尋日出街時心神恍惚。
差啲如願被車撞到。
我一直都想目睹交通意外嘅發生或者發生響自己身上。
係被車炒到飛起嗰隻。
呢啲畫面喺電影電視見得多,親眼目擊就未試過。
我想知道會有幾震撼。
朋友話我黑心。
我話我唔係希望有人被車撞,而係希望當有人命中注定被車撞時我響現場。
或者我係個主角。
朋友話我會一世記得個畫面。
我話人有幾何咁好記性,如果有樣嘢會一世記得都唔錯。
朋友話如果我係主角嘅話我屋企人會好傷心。
我話所以最緊要係撞得死,死咗之後我就咩都唔知。
其實我都好想知跳樓個感覺係點。
假如有一日我會自殺嘅話,我相信我已經揀好方法。
2 則留言:
呵呵~講到跳樓,我都曾經諗過擔住把大啲嘅遮死唔死得去!!你想知~去笨豬跳囉!想畀車撞,記得買定份巨額意外保!
笨豬跳,我都幾肯定我會去試。
但笨豬跳嘅唔好處係,我只可以感受到跳樓嘅「下墮感」,而冇跳樓死嘅嗰種「絕望感」同「死亡感」。
又或者係死前一刻嘅「後悔感」。
意外保一向有買,因為我成日覺得我會死於非命。
死咗之後有錢賠益下家人都好。哈哈!
發佈留言