老豆今年六十大壽。
但由於亞嫲仍然健在,所以唔可以幫佢擺大壽。
原本打算同佢去旅行慶祝,點知連由我亞媽出聲撩佢佢都話唔去。
無計。
有個亞姨又係今年大壽。
我做細嘅當然會同佢擺番圍。
之前幫舅父擺咗唔幫亞姨擺隨時嬲足一世。
點都一定要擺。
至於籌旗,梗係要迫兩個老表夾錢。
近年,好多成年人都會去麥當勞開生日會。
尤其係女仔。
早幾日又響 facebook 見到一個。
唔清楚原因。
可能係為咗一完兒時夢想。
又可能只係純粹貪過癮。
忽然間我都想響麥當勞開個生日會。
不過係等我六十大壽嗰日。
如果有命擺到嘅話。
2 則留言:
晶哥你應該大我好多,而你呀爸只係六十歲!?
我呀爸70歲都黎緊
小弟即將三十有二。
我老豆大我廿七年幾。
發佈留言