如果有得揀,我會選擇一份可以返夜班嘅工。
感覺上,時間好似比較見駛。
因為其實無論係返早定返夜,我都係一樣咁夜瞓。
最好嘅係當其他人返緊工而你又未開工嘅時候,做好多嘢都方便好多。
之前嘅一份工,係輪班制。
夜更係返 13:30~22:00。
返工之前,可以做好多嘢。
做 gym、打波、打機、飲茶、行街、睇戲、睇醫生 等等。
咁嘅生理時鐘,連個人都無咁眼瞓。
放工之後,都仲可以有好多活動。
自從轉咗工返 8:30~18:00 之後。
放工後太攰,基本上係咩都唔想做。
只想回家攤抖。
連生活都變得單調。
沒有留言:
發佈留言