不能說的秘密

唔係講套戲，係講份工。


以前，只有做臥底、間諜或者特務之類嘅人先唔可以透露自己嘅職業。

依家多咗一項，係 IT。


身邊嘅同行朋友都覺得，呢個係一個秘密。

因為只要你一同人透露，就肯定一身蟻。

對住相熟嘅朋友都還好，唔熟嘅就麻煩大了。

響教會聚會時公開更係一個大忌（朋友說）。


我唔太介意話俾人知我做 IT。

亦唔太介意幫人解決電腦問題，因為某程度上呢個係我嘅興趣。

不過將唔係電腦問題而納入為電腦問題嘅則另計，有好多人會將「電」同「電腦」劃上等號，好似只要件嘢係要插電嘅我就一定識整咁。

仲有一個大前提，就係我希望個用家聽聽話話。

不過，好多時都事與願違．．．