有一個名詞,叫「公主病」。
有「公主病」嘅女仔,我暫時未遇過。
但自問即使遇到有「公主病」嘅「港女」,我都應該頂得順。
因為我覺得女仔想俾人錫俾人呵護係好正常嘅事。
可能因為我未遇過,所以仍然可以咁口響。
但有一種女仔,我係頂唔順嘅。
我形容為「公仔病」。
病徵好容易察覺,因為個女仔無時無刻都會帶住隻公仔響身邊。
其實唔止帶響身邊咁簡單,佢仲會:
同隻公仔傾偈。
幫公仔搵個女朋友(或者男朋友)。
幫隻公仔影相兼配埋對白。
借隻公仔嚟講出自己嘅心聲。
等等...
我未遇過一個咁樣嘅人,只不過係響 微博 見到。
唔知點解我覺得好恐怖...
沒有留言:
發佈留言