新宿
日本人同香港人一樣咁無精神
朝早十點等機舖開門
煙民聚集區
回收婆婆
小朋友學過馬路
上體育堂
唔知點解會響地下放水
百無聊賴。
全日唯一重點就係睇咗一套好有感覺嘅戲。
《高舉愛》
或者，我就係需要呢種戀愛。
或者，我就係適合做一個咁樣嘅半住家男人。
雖然一個再好嘅人，最後都係死於不幸。
打了一場籃球
幫亞媽同亞姨 set iPad
瘋狂打機
香港嘅核心價值。
大慨已經變為「擘大眼講大話」。
何止高官。
平民百姓亦然。
公司被 audit, 全天候由上至下努力「做假」。
無論係平時漏做或根本冇人知要做嘅嘢。
都要響短時間內「做返齊」。
問：呢樣有冇做？（應該要做嘅）
答：有！（斬釘截鐵）
問：幾時開始做？（被懷疑係補飛完成）
答：一向都咁做！有記錄！（斬釘截鐵）
問：呢樣又有冇做？（唔應該做嘅）
答：冇！肯定冇！（更斬釘截鐵）
老豆自細教落。
做人要行得正企得正。
唔好做虧心事。
做嘢辛苦我唔怕。
辛苦在要講大話。
違背良心。
對我嚟講係一件最痛苦嘅事。
我真係好想知。
究竟啲高官係咪每晚都可以瞓得好。
早幾日又有一位長輩中風入院。
手術後仍未甦醒，情況並不樂觀。
當我聽到呢個消息嘅時候。
確實沒有太大嘅反應或感覺。
唔知由幾時開始。
唔知因咩事導致。
或者係因為近年已經開始不斷面對。
所以對於身邊嘅人可能有生命危險或者離開。
我嘅情緒都唔會有太大嘅起伏。
「生亦何歡 死亦何哀」
我唔知呢啲係咪叫「大徹大悟」。
我只係覺得。
人終須一死，只差遲定早。
離開咗嗰個都應該唔想見到我哋因佢嘅離去而愁眉苦臉吧。
聽完呢首歌之後。
我知道我已經冇咩事了。
p.s. 估唔到會有人寫出我所想「人寧願金魚般記性」
再 p.s. 亞Sa 真係越來越得。
年過三十之後。
一班中坑波友打波特別容易受傷。
受傷之後亦特別難康復。
其實。
除咗身體之外。
心靈亦一樣難復原。
幸好只是時間問題。
總有一日會好起來。
上網睇 BLOG, 會發覺原來好多 BLOG 都已經被荒廢。
睇睇下望下個日期先發現，BLOG 主已經年幾兩年冇更新。
我呢個 BLOG, 係由 2005/12/31 開始寫。
雖不至於可以做到每日一篇。
甚至可能懶到成兩個星期先更新一次。
但我知道我唔會停止繼續寫。
對於一個冇耐性同冇恆心嘅人嚟講。
我都解釋唔到點解我會堅持咁耐。
父親節，老豆咩都唔想搞。
又撞正賽馬日。
於是只好請佢去茶記食個早餐。
佢應該會開心卦。
響連續一個星期因為睇波而每晚只瞓得四個鐘之後搞到作病。
我終於相信一個人係會因為眼瞓死同攰死。
遊魂中．．．
每次見到呢隻帆船。
我嘅感覺都只係「老土」、「丟架」、同「呃鬼佬」。
陳奕迅演唱會飛炒。
傑志對阿仙奴飛又炒。
依家已經再唔可能用到正價睇到想睇嘅節目了。
睇歐洲國家盃聽到英國國歌。
有親切感到幾乎想起立。
睇完呢套戲之後不禁問自己一句。
「我又可以為呢個世界做啲咩？」
翻睇分別係 1996 年同 2000 年嘅作品。
記得《Mission: Impossible》係響香港睇。
啲特技喺當年嚟講已經係好勁。
《Mission: Impossible II》就係響澳洲睇嘅。
只係記得當時響戲院入面好多外國人都恥笑最尾飛白鴿同埋用腳踢起支鎗嗰一幕。
相比悶死人嘅第四集。
第二集原來都算唔太差。
諗住輕鬆下。
發現又爛唔晒。
有啲位都幾好笑。
王晶真係開始返嚟。
如果有死前審判呢回事。
我願意罰抄一萬次「對不起」。
視覺、聽覺、嗅覺、味覺、觸覺同說話能力。
如果個天要響我身上收返其中一樣嘅話。
我願意做一個啞巴。
每次響街見到有啲人好匆忙唔知趕咩咁。
我都會諗。
都已經遲到咯，跑都冇用啦。
時間，係追唔返嘅。
終於等到出碟。
《UNDERWORLD》可能係我最鍾意嘅電影系列。
Kate Beckinsale 亦可能係我最鍾意嘅荷里活女星。
第一次睇《阿飛正傳》。
原來 王家衛 啲戲都幾啱我睇。
不過唔知點解。
某啲對白我覺得好得但又好好笑。
張國榮 真係好靚仔。
張曼玉 亦都好靚女。
換咗眼鏡。
終於見得返呢個世界嘅色彩。
因為之前嗰副係全視線鏡片。
一見太陽就「灰」咗。
陽光普照時想望真啲呢個世界。
但都係灰灰黑黑。
連個人都灰埋。
張震嶽《思念是一種病》
作詞：齊秦/張震嶽
作曲：齊秦/張震嶽
編曲：張震嶽/吳蒙惠/黃冠豪
當你在穿山越嶺的另一邊 我在孤獨的路上沒有盡頭
一輩子有多少的來不及 發現已經失去最重要的東西
恍然大悟早已遠去 為何總是在犯錯之後 才肯相信錯的是自己
他們說這就是人生 試著體會
試著忍住眼淚 還是躲不開應該有的情緒
我不會奢求世界停止轉動 我知道逃避一點都沒有用
只是這段時間裡 尤其在夜裡 還是會想起難忘的事情
我想我的思念是一種病 久久不能痊癒
＊當你在穿山越嶺的另一邊 我在孤獨的路上沒有盡頭
時常感覺你在耳後的呼吸 卻未曾感覺你在心口的鼻息
(Oh 思念是一種病 Oh 思念是一種病 一種病)
汲汲營營忘記身邊的人需要愛和關心 藉口總是拉遠了距離
不知不覺無聲無息 我們總是在抱怨事與願違 卻不願意回頭看看自己
想想自己 到底做了什麼蠢事情 也許是上帝給我一個試煉
只是這傷口需要花點時間 只是會想念過去的一切
那些人事物會離我遠去 而我們終究也會遠離變成回憶
Repeat ＊
多久沒有說我愛你 多久沒有擁抱你所愛的人
當這個世界 不再那麼美好 只有愛可以讓他更好
我相信 一切都來得及 別管那些紛紛擾擾
別讓不開心的事 停下了腳步 就怕你不說 就怕你不做
別讓遺憾繼續 一切都來得及
母親節飲茶時啲長輩好開心咁叫咗呢個點心拼盤。
叫「五福臨門」。
$128
我一直好討厭我所住地區嘅交通。
我唔怕車程耐同車程遠。
但我好憎要等車。
每日放工都要面對一條百幾二百人嘅人龍。
確實係一種煎熬。
最近。
我連對排隊等車都已經冇埋感覺。
究竟。
仲有冇啲咩可以再觸動到我嘅情緒？
不溫不火。
有時會覺得自己唔再似一個活生生嘅人。
有啲嘢。
係會入咗腦一世都唔會忘記嘅。
例如。
香水味。
街上遇到一個陌生人。
飄過一陣曾經熟識嘅香水味。
不過。
我已經唔記得係喺邊一個人嘅身上得到呢個氣味嘅記憶。
英超最後一輪終於響峰迴路轉之下曲終人散。
我支持嘅曼聯衛冕失敗。
仲要係俾死敵曼城拎咗聯賽冠軍。
好多有睇曼城場波嘅人都話好假。
我睇波從來都唔會將「打假波」呢樣嘢記喺個腦度。
輸打贏要向來唔係我風格。
曼聯失落聯賽錦標。
怪就只好怪自己唔爭氣。
下年再嚟過。
忽然想去旅行。
由決定地點到訂好所有嘢。
兩日搞掂。
從未如此愴悴。
雖然集集都係向左走向又走之後斬斬斬。
但依然欲罷不能。
我需要斬人發洩。
《真•三國無双6》+《真•三國無双6 猛將伝》
如果好人會有好報。
我等。
可惜。
通常都係報應行先。
無論我以往聽過幾多首歌都好。
都總會有滄海遺珠。
因為一首《最冷一天》。
所以我買咗呢隻碟。
某日坐小巴。
有對老夫老妻響度傾晚飯食咩好。
老公：日本嘢？
老婆：唔鍾意。
老公：越南嘢？
老婆：唔鍾意。
老公：泰國嘢？
老婆：唔鍾意。
老公：點解你咩都唔鐘意食嘅呢？
然後老婆好悔氣咁答：
「唔鍾意就係唔鍾意架啦！邊有得解架！
你唔鍾意食某一樣嘢有冇得解丫？你解我聽丫！」
無錯。
唔鍾意就係唔鍾意。
無得解嘅。
鍾意一個人，無得解。
唔鍾意一個人，亦都無得解。
期望越大，失望越大。
唔係話非常唔好睇。
只不過真係雷聲大雨點小。
同埋太冗長。
一集過 180 分鐘左右就真係乜都夠。
亦可以令部戲更加緊湊。
人大咗，原來好多嘢都已經冇你份。
想申請 working visa 出國咩？
唔好意思先生，你已經超齡。
想報讀課程咩？
唔好意思先生，你已經超齡。
想申請專業培訓班轉行咩？
唔好意思先生，你已經超齡。
更顯著嘅超齡特徵係。
啲小朋友開始唔再叫你做「哥哥」。
而係天真無邪咁你叫「叔叔」。
如果要我揀一份政府工嚟做。
我諗我一定揀審計署。
政府部門被審計署審查完之後公佈問題。
仲樣衰過被廉署查完請飲咖啡。
做一個唔討好嘅角色或者崗位。
硬係有啲特別嘅吸引力。
同一個差不多一年冇見嘅朋友食飯。
傾下近況。
飯後。
佢話我同一年前好唔同。
我一向嘅「自我」無咗。
無以前咁「串咀」。
亦無咗嗰份「不可一世」嘅氣焰。
聽落似乎係好事。
但其實唔係。
因為佢話咁樣嘅我似一個無靈魂嘅人。
原以為我已經還原。
但似乎真係要等半年。
（舊文：
倒數開始）
如何界定是否已經忘記舊情人？
當你忘記了他或她的電話號碼。
相信就是時候了。
朋友跟前度重逢。
藕斷絲連。
我說。
我從來不明白、不理解。
為何可以、可能、需要跟前度繼續做朋友？
是想辛苦別人？
還是想辛苦自己？
拋棄人的那個，何苦去刺激對方。
被拋棄的那個，更毋須去折磨自己。
完了。
就是完。
鄧麗欣《再見不是朋友》
我不信愛人離開竟可變密友
我早有滿城朋友代你聚頭
像情人溫柔 怕無端牽動我
無謂要放未放手
雖然未齊全集，但都已經好滿足。
響 HMV 訂，部份只賣 2 for $189.
_resize.jpg)
