22 6月, 2012

擘大眼講大話

香港嘅核心價值。

大慨已經變為「擘大眼講大話」。


何止高官。

平民百姓亦然。


公司被 audit, 全天候由上至下努力「做假」。

無論係平時漏做或根本冇人知要做嘅嘢。

都要響短時間內「做返齊」。


問:呢樣有冇做?(應該要做嘅)

答:有!(斬釘截鐵)

問:幾時開始做?(被懷疑係補飛完成)

答:一向都咁做!有記錄!(斬釘截鐵)

問:呢樣又有冇做?(唔應該做嘅)

答:冇!肯定冇!(更斬釘截鐵)


老豆自細教落。

做人要行得正企得正。

唔好做虧心事。


做嘢辛苦我唔怕。

辛苦在要講大話。


違背良心。

對我嚟講係一件最痛苦嘅事。


我真係好想知。

究竟啲高官係咪每晚都可以瞓得好。

4 則留言:

Vieno 說...

最近工作上都有類似問題
以前有前輩教呢d叫走位,
初初都唔係好受,
依加開始諗,
冇人受到傷害,
公司人工我地又係有份代
就唔好諗太多

當然, 犯法ga野都係少d碰,
必要時, 真係要小心保護自己

(黃毛小子發噏瘋, HAHA)

Benny 說...

以前公司驗廠, 所有資料都係假! 真頭有一 team 人在隱藏樓層做假! 而家公司撥亂反正, 好好多咯!

晶哥 說...

講大話,點都係唔安落。

如果係犯法我就一定唔會做嘅。

晶哥 說...

我相信我公司到下年都會係一樣咁嘅情況。

辛苦我哋呢啲其實本應唔關我哋事但做細又無得拒絕繼續要做嘅去做。