小角色

朋友組織咗一班人搞 project 拍片。

佢知我有興趣於是叫埋我一齊玩。


有日我問佢：你有冇諗過安排我負責啲咩？

佢反問：你有興趣做咩位丫？

我諗咗一陣之後答：場務。

佢笑完之後問：點解？

我答：我咩都唔識，得個腦，想學下嘢先。
　　　林雪 都係場務出身。

朋友話：你得個腦，做編劇啦！


就係咁，我分配到一個崗位。


老實說，我真心欣賞一眾幕後出身嘅幕前演員。

林雪、田雞、李力持、谷德昭、士巴拿 等等。

另外仲有 劉鎮偉、馮小剛 等等都經常客串。

戲分雖少，但非常搶。


響電影世界又好、響現實世界又好。

無可能每一個人都可以做主角。

有啲人天生已經係一個表演者、主角命。

我知我唔係亦自問無本事。

所以我一直樂於做配角。


我唔係一個好高騖遠或者想一步登天嘅人。

循序漸進安份守己已最令我感到舒服。


響人生入面做最佳男配角，係一個遠大嘅理想。