離乜譜

話說尋晚去食晚飯途中。

我老豆一路揸車一路響我親戚一家面前批評我邊行街邊撳電話。

話好危險，會出事云云。

算。

我認衰。


之後佢忽然醒起佢部電話有啲事叫我幫佢睇睇。

我 check 過無問題之後佢唔信，要自己檢查一次。

揸緊車就一手拎住部電話嚟撳。

我即時火都嚟：你啱啱先話完我，你自己咪又係一樣！

老豆：點同？

我：咩唔同？你仲危險啦！
　　一家大細一車人一鑊熟呀！

正當我打算搶佢電話之際，一把平和嘅聲音由後座傳嚟。

親戚：晶，算啦～
　　　你永遠無得同佢拗，因為佢係你老豆。
　　　接受現實吧～





我係唔會屈服嘅！