因為 blogging 認識了一些人。
一些素未謀面但互相認識甚至互相了解嘅人。
有時我都會諗,究竟佢哋係邊個。
會唔會有一啲其實係我響現實中已經見過面?
係某月某日某街道上擦身而過嘅嗰位大叔?
係地鐵上面全神貫注望住部 iPhone 睇 blog 嘅嗰位小姐?
(我間中會偷睇人哋睇緊咩)
係小巴上坐我隔離周身郁嘅嗰位哥哥仔?
係公司而又成日煩住我嘅嗰位同事?
係同 team 嘅某一個兄弟?
定係每日都響 office 嘮嘮叨叨嘅嗰位大嬸?
無限個可能。
如果某年某月某日你忽然認出我。
記得話聲我知。
2 則留言:
我倒寧願不知道呢...
每次有朋友面對面的跟我提起我寫的東西,總會覺得有點不好意思的說...
確實係會有啲唔好意思,但我已經慢慢克服咗。
我好努力咁希望將網上同現實兩個世界合併。
發佈留言