01 8月, 2011

食飯小插曲(二)

話說某日中午去一間經常幫襯嘅台式麵店。


我:唔該午餐「燒腩併肉碎麵」,凍檸茶少甜。

侍應:凍飲12蚊喎!

我:唔係午餐凍飲加2蚊咩?

侍應:午餐就係,但你咁樣叫無午餐。

我:下?我平時食開都係咁叫喎。

侍應:我唔知你平時係點叫,但我哋午餐入面係無燒腩呢個選擇嘅。

我:我咪叫「燒腩併肉碎麵」囉,啲亞姐係咁整俾我。
雙併加$15,凍飲加$2,總共$47。
(似乎我熟到可以去兼職)

侍應:先生,我哋嘅午餐入面無「燒腩」,你叫我點併俾你呢?

我:咁我可唔可以咁叫?
一個午餐「肉碎麵」連凍檸茶少甜。
另外再加份「燒腩」。
即係午餐$30加燒腩$15之後凍飲$2總共$47。

侍應:咁就可以。

我:...........
(心諗:有咩分別?)

2 則留言:

Nettie 文靈 說...

once 佢地認定左「1+1」,你同佢地講「 2」,佢地係 process 唔倒的 XD

晶哥 說...

無錯。

無奈...