誰對誰錯

甚少睇娛樂新聞。

今日行過書報攤，見到某周刊大大隻字寫住「ｘｘｘ勾人老公」。

「ｘｘｘ」係一個女藝人名字。


好多人一見到個封面，可能都係會諗個女人點唔好點唔啱。

但我第一刻諗到嘅係，點解唔係個男人衰？

點解唔講個男人「ｘｘｘ出去偷食」？

或者相比之下個女藝人比較有新聞價值吧。


我始終覺得「牛唔飲水點撳得牛頭低」呢個理論係成立嘅。

無論係主動又好，被動又好。

響一段婚外情嘅關係入面，結咗婚又出去「偷食」嗰個點都係唔啱。

當然你可以話個第三者介入係唔啱。

但點都唔夠把持不住接受引誘違背婚姻承諾嗰個衰啩？