16 3月, 2011

時光機

每晚都會睇《康熙來了》。

最近有個叫「時光機」嘅環節,係俾啲藝人講返自己某些難忘嘅過去,兼且幫佢搵返一啲當年嘅當時人。

例如 趙哥(趙正平),佢就搵咗三個當年一齊打拚過捱過嘅「兄弟」。
有情有義有血有淚。

有啲藝人,就會搵返一啲曾經啟蒙過或者照顧過自己嘅老師。
幕幕感人。

至於 納豆,就搵返曾經有過初吻嘅初戀情人。
有笑有淚有溫馨。


我好認真咁諗過,如果換轉係我,我會想「回到」咩時間?
我會想搵邊一個人?

答案係:無。

家人?朋友?舊情人?

我重視嘅家人同朋友,大部份都仍然響我身邊。

舊情人,無咩需要見面吧。

其他人,都只係我生命中嘅過客。
相對亦然,都唔會有咩人會想見我。

而且我亦係一個甚少後悔嘅人,所以都無乜必要回到過去。

沒有甚麼精彩難忘日子,沒大上大落,一如往常,平平淡淡。

有時諗起都難免有點遺憾感...

沒有留言: