返咗呢份新工之後，基本上每日都係響快樂之中渡過。
主要原因，係因為一班細路。
辛苦咩？
有時確實係幾辛苦。
但得到嘅快樂可以抵消每日面對嘅困難都疲累。
試用期已過，希望我會順利完成一年嘅合約。
生病嘅日子，特別容易胡思亂想，或者係特別多愁善感．．．《有病呻吟》
歌手：張學友
作曲：林健華
填詞：林夕
編曲：林健華
想喝水 給我水
或者高燒可勉強減退
然後鎮靜情緒
忘掉我這裡應該 有誰
不要想 只管睡
肉體安好不要怕心碎
無謂繼續麻醉
期待你會賜給我 藥水
#如果失戀註定逃不過
逃到病床前 才明白更多
和你分手都也捱得過
然而這夜為何
無能力退燒 多麼錯#
不要緊 請辜負
或者傷風比你更可惡
從病榻上回顧
其實愛你太辛苦 何苦
Repeat #
如果失戀註定逃不過
逃到病床前 才明白更多
和你分手都也捱得過
然而這夜為何
難承受痛楚
誰說失戀總會捱得過
捱到病床前 才承受最多
和你分手都也捱得過
為何徹夜難眠
良藥就算苦 請給我
今日收到佢嘅短訊。
佢話佢終於明白、理解同感受到我當日響工作上嘅情況同苦況。
佢已經遲咗職。
佢話佢最近生活得不太如意。
亞媽又入咗醫院，好似好運滯。
我嘅回應，都係循例嘅一些鼓勵說話。
同埋話佢知，我響過去嘅十個月，我過得很好。
無錯，我係專登講嘅。
我要佢知道，沒有佢嘅日子，我比以前快樂。
我唔知佢點解會搵我，可能佢真係冇其他人可以傾訴。
我哋一向都冇咩朋友。
又或者，係其他原因。
不過無論係咩原因都好，我都叫自己唔好諗得太多。
我，肯定唔會回頭。
一切，都已經太遲．．．
響短短嘅一個星期，已經見到佢喊咗兩次。
一次係因為我同佢玩時整親佢。
一次係今日有同事窒親佢。
不過事後發現，原來佢係因為其他事而唔開心。
每次見到佢喊，我都會唔開心。
其實我唔知係因為係佢丫，定係任何女仔響我面前喊我都會唔開心唔知點咁。
見到佢咁易就喊得出，我好感慨。
因為，我已經有好耐喊唔出。
即使係睇愛情片，我最多都只係流淚。
而我知道，我其實係有需要大哭一場．．．
如果唔計上次嗰三個星期嘅短暫「錯誤」。
唔經唔覺，我已經單身咗十個月。
過去嘅十個月，個人、生活、工作嘅都轉變唔少。
尤其係個人心理、心態、行為上；有變好、有變差。
身邊出現過而令我胡思亂想嘅人又有幾個。
但始終，唔係嗰一回事。
我其實都未係好知自己想要啲乜。
每一件令我有新鮮感嘅事，我都會鍾意去做。
每一個令我有新鮮感嘅人，我都會鍾意去諗。
秤一秤，呢十個月以嚟嘅我確實係比以前快樂。
但係，缺少愛情生活嘅人生，又確實係枯燥．．．
搬咗嚟呢間屋都將近十年。
我返咗嚟定居都已經兩年，日日都用同一個廁所沖涼。
如果唔係上次沖涼時俾呢件嘢嚇一嚇。
我都真係唔知原來呢度有個水制位。
我，有點過份．．．
因為一首《仍能情深愛上》，搵番呢套戲嚟睇。
又因為呢套戲，搵番首《仍能情深愛上》劇場版嚟聽。
陳可辛 第一部導演作品。
一直都好想睇，於是買咗碟。
冇預期中好，可能因為已經 out 咗，又可能因為我本身冇 mood ...
一連兩套戲都係 張曼玉，發覺佢真係好得．．．
原來呢套戲都已經十三年了。
最近買番 VCD 重溫了一次。
一樣o既感動．．．
終於等到出碟，用咗一星期睇晒成輯。
沉迷 + 上癮．．．
公司終於請到我個 partner 同我亞頭。
今日第一次見面兼開會。
Business 人同社福界嘅人，思想／理念真係好唔同。
好明顯，我同佢哋唔夾．．．
平時出街，我都會聽住 mp3 將自己與世隔絕。
今日刻意唔帶，想聽吓呢個世界。
兩程車，聽到嘅都係廢話連篇。
有人話人狗眼看人低。
有個師奶講高清不過錯晒。
有個人同一個住院嘅病人傾電話。
有個小巴司機聽 Rock 'n' Roll.
由聽日開始，我決定聽番 mp3．．．
最近上高登，發現到網上電台嘅活動好似活躍番。
搞到我都心思思想開番台。
不過，我又確實已經乾咗塘。
亦已經唔再可能好似以前咁多愁善感地做節目．．．
睇《康熙來了》，有 曾愷玹。
唔明點解可以靚成咁，談吐儀態一流。
如果係香港人，選港姐贏硬。
買咗一段時間都未睇嘅一齣戲。
感覺不錯。
有些對白，也很有意思。
「你不覺得這樣的幸福好不真實嗎？」
「但是不真實也比沒有好吧！」
等咗好耐好耐好耐好耐好耐．．．終於等到。
睇完，冇咩特別感覺。
唔知點解，最近睇愛情片都冇咩感覺．．．
已經唔記得有幾耐冇買過 CD.
有次睇雜誌時知道有隻咁嘅碟，某日行過 CD 舗心血來潮之下所以買咗．．．
預祝「細佬」生日，食餐飯。
去咗一間話咗同佢去好耐嘅餐廳。
我相信去邊間「餐廳」嘅意義唔太大。
意義在於餐飯本身同埋快樂嘅時刻。
我成日以為自己無記性。
終於發現唔係。
原來我其實係對身邊大部份嘅事都「無心裝載」．．．
