每逢週末，我都會暴飲暴食。
係為舒緩壓力？
定因壓力而失控？
一連三週冇放假，週末公眾假期照常工作，幾乎連短暫休息o既時間都冇；有點吃不消．．．
一連三天假期，連續三日都打麻雀，除o左食飯訓覺之外冇休息係咁打；仍然有點唔夠喉．．．
放假一天同女朋友入東涌東薈城名店倉逛空手而回想坐 昂平360但又唔夠時間快快樂樂的一天
星期六及星期日每日十二圈已上癮．．．
今日受o左兩巴掌。上晝一巴、下晝一巴。一巴係男，一巴係女。一巴星醒o左我做事，另一巴星醒o左我做人。犯賤，唔打唔醒神．．．
o係澳洲o既時候，曾經有一段頹廢o既日子。冇返學，冇返工，冇出街，隱蔽中年一名。自覺似一條行屍。o係香港o既呢幾個月，有工返，有學返，有街出。尤其係上個月，幾乎日日朝九晚九忙到嘔。冇生活，冇思想，冇自己時間。深深體會，原來咁先係一條行屍．．．
依家o既香港，有幾何會見到藍天白雲？天氣好o既時候，人都會開朗o的。難怪o係香港生活o既日子，我總係死氣沉沉．．．
每逢星期一都特別眼訓因為星期日晚唔願訓越夜訓，越覺得個假期正在延長尋晚又成三點幾先訓睇o個套已經睇過兩次o既《旺角黑夜》睇完，黯然去訓．．．唔想星期一來臨．．．
除夕，o係屋企同父母、女朋友食一餐家常便飯。
睇電視直播倒數、煙花。
就係咁靜，咁簡單。
今年除夕，o係香港過。
好耐未試過。有得揀，我寧願唔試。我想返過去。
不自覺地，我養成o左兩個不太好o既減壓習慣。
1/. 打牌
打牌時，死做爛做挑戰最大番數，食出有無比快感及滿足感。
嬴幾多，輸幾多，我唔在乎。
2/. 購物
只求買，只求駛錢，感覺暢快。
有點病態。
用好簡單o既詞語，就可以形容呢兩個星期o既生活。「疲倦」同「眼訓」
想，但冇時間。響公司唔方便，響屋企「支力」到連電腦都唔想開。keep 住 update?下星期再開始．．．
行返工o既時候，諗：「時間真係過得快，終於捱到星期五，我之前o個四日做過o的乜？」諗唔起詳情。當然記得做過咩 project，記得有咩 project 未完成，等等。只記得係埋頭苦幹咁做，缺乏思考。只記得係只有工作，沒有生活。每日都係做、做、做，唔知做乜，亦唔知為乜。
除o左『支力』同 眼訓 之外，我咩都感受唔到．．．全日最 relax o既時段，係 沖涼 同 睇《HOUSE》o個陣。
