Sony Cyber-shot DSC-T100

新目標，已經考慮o左一排，8 月 1 號前要扑鎚 (Panasonic 等其它牌子也在考慮之列)。

呢部機外界評價只屬一般。

我係貪佢 新 + 外型 + 輕便。

五年前買o個部 Canon S45 o既兩粒電都已經處於垂死狀態，而且重到成舊磚頭咁，帶去旅行好唔方便，係時候淘汰。

部 Canon S45 留番將來去學影相o既時候先再用。

兩年貨仔

舊年，十字制開始壞；到今年，半死狀態。

又係舊年，十字制粒橙色『的』甩o左唔知去邊。

今年，早幾日，跌一跌連影相粒制都壞壞o地。

係時候換機，回港之後。

SONY ERICSSON o既機，唔會再考慮。

多得它

最近經常要周圍去，冇私家車，坐公共交通工具，長途，去幾個地點，一來一回至少四、五個鐘。

如果冇呢部o野，相信o的時間會好難渡過。

有o左呢部o野，每次坐車時都可以建立一個屬於自己o既私人空間。

呢個世界實在太多嘈音，我冇興趣去聽，亦唔想被滋擾。

例如o係火車上同一時間出現三群來自不同地方o既人用三種不同o既語言o係度嗌破喉嚨高談闊論o既時候。

許志安 - 前程錦繡

以前(中學階段o既時候)，成日都會聽 許志安 o既歌，因為o個陣時 許志安 o既歌好o岩o個陣時o既我聽。

近年少o左聽 許志安，一方面係因為佢減產，另一方面係我覺得佢近年o既歌唔太好聽，又或者只係唔o岩我聽。

最近，幾鍾意佢首新歌《前程錦繡》。

我一向偏好慢版情歌，對道理歌勵志歌冇乜感覺，今次係例外。

《前程錦繡》

歌手：許志安
作曲：touch by yu chung
填詞：林若寧
編曲：盧凱彤@at 17

那年一起靜坐抗議 那年一起玩物喪志
那年一起暗戀然後失戀了默默扶持
那年班長競選才學會政治

當走進大社會 奉獻少 罵戰多
相識接著拆夥 朋友仔沒有幾個 幾個
敵人很多 少一個不算少 多一個都太多

當初唱字母歌 學會的 未算多
終於領悟再多 人跌倒又上一課 一課
校門即使逐一給光陰上鎖 都謹記當初
(夕陽之歌剩低這一首輓歌 想起我當初)

某人新婚席上再見 笑容顯得特別靦腆
那年一起嗌交無奈今天已靜默無言
我們交出那款循例性笑臉

當走進大社會 是與非 右與左
當中價值太多 朋友仔沒有幾個 幾個
聚頭不多 推搪有工作多 多親切都變疏

不想唱勵志歌 勵志歌 勵志麼
彼此背負太多 隨每天習慣經過 經過
為誰奔波獲得比當初再多 比不上當初

當走進大社會 奉獻少 罵戰多
相識接著拆夥 朋友仔沒有幾個 幾個
敵人很多 少一個不算少 多一個都太多

當初唱字母歌 學會的 未算多
終於領悟再多 人跌倒又上一課 一課
夕陽之歌剩低這一首輓歌 想起我當初

『賣飛佛』蛋糕仔

估唔到響 墨爾本 都買到呢隻 蛋糕仔。

好貴，HK$26 一包得十零粒。

呢款o野係我由細到大o既 favourite。

買一次o黎食回味下就算，唔捨得食啊！。

9.5 (captured on 23/05/2007)

玩咁多年好似第一次咁高分？！

第一次出場就一場入八球 (足總盃，副選陣)。

Estonia 0 - 3 England

王菀之

好鍾意聽 王菀之。

應該係繼 王菲 之後最鍾意o既一把聲。

iPod 必有，開台必播，當然，只限慢歌。

推介：《畫意》、《幸福》、《恨也講資格》、《手望》、《一秒感動》

64k 窄頻

由於過量 download 外國電視節目導致用晒 quota，所以上網速度 shaped 到得番 64k。

64k，等同於用 dialup 56k o既速度，慢；慢到連網都唔想上。

捱o左兩日，好彩今晚 0:00am reset quota，可以重見天日。

用慣寬頻，我諗好多人已經忘記o左用 56k 上網o既日子，年青一輩甚至未用過。

如果由呢一刻開始香港得番 56k 上網，我諗暴動都似。

又記得 uncle 講o既一句說話：『人，係好難行返轉頭o既』。

England 1 - 1 Brazil

妒忌

靚仔，真係剪咩髮型都好睇．．．

正，必買！！！

期待已久，終於出o左，正，必買！！！ (返到香港時先)

《洛奇六部曲 (DVD) (傳奇珍藏套裝) (香港版)》

Beckham gets England recall

英格蘭領隊麥卡倫重召碧咸入國家隊下月友賽巴西以及歐洲國家杯外圍賽鬥愛沙尼亞呢個行為真係非常核突，早知今日，當初又何必撐到咁行？

如果碧咸表現好建奇功，麥卡倫都應該要搵定個窿捐。

奈何每個英格蘭國家隊o既領隊都面皮奇厚，到時又會有一番美妙『解釋』．．．

Beckham gets England recall

UEFA Champions League Final

又係一場令人失望o既賽事．．．

點解依家o的波再冇以前o個o的咁好睇？

買呀！買呀！買呀！

求甚麼？

工作雖然辛苦，人工亦唔高，但我比以前快樂。

人生不求甚麼，但求無憂無慮的快樂。

$

工作o既最大滿足感，係來自搵到錢之後消費o係吃喝玩樂之上。

食餐好，買心頭好，去旅行等等。

就係咁簡單。

讀書與工作

自從開始工作之後，真係你搵支鎗指住我個頭我都唔願再讀書。

讀書同工作o既最大分別係，放學之後仲有大把手尾跟，又要做功課，又要溫習，又要考試，成日心掛掛，連週末都冇得輕輕鬆鬆，何況我唔係一個有興趣讀書兼勤力o既學生，更痛苦。

依家放工之後拍拍籮柚就走，乜都唔係卦，輕鬆自在。

雖然讀書時可以有較多o既私人時間，但我寧願要朝九晚五過後連埋週末o既自由時間。

私人時間多但冇自由，等同坐監。

讀書有知識入腦，但唔包你搵到錢，知識再多，但冇飯開，都係餓死。

反而工作後有錢入袋比較來得實際同有安全感。

可能，我比較膚淺。

Great Ocean Road Photo Gallery