工作雖然辛苦，人工亦唔高，但我比以前快樂。人生不求甚麼，但求無憂無慮的快樂。
工作o既最大滿足感，係來自搵到錢之後消費o係吃喝玩樂之上。食餐好，買心頭好，去旅行等等。就係咁簡單。
自從開始工作之後，真係你搵支鎗指住我個頭我都唔願再讀書。
讀書同工作o既最大分別係，放學之後仲有大把手尾跟，又要做功課，又要溫習，又要考試，成日心掛掛，連週末都冇得輕輕鬆鬆，何況我唔係一個有興趣讀書兼勤力o既學生，更痛苦。
依家放工之後拍拍籮柚就走，乜都唔係卦，輕鬆自在。
雖然讀書時可以有較多o既私人時間，但我寧願要朝九晚五過後連埋週末o既自由時間。
私人時間多但冇自由，等同坐監。
讀書有知識入腦，但唔包你搵到錢，知識再多，但冇飯開，都係餓死。
反而工作後有錢入袋比較來得實際同有安全感。
可能，我比較膚淺。
回顧四月份，重點只有下面三樣：
- 去o左兩次旅行，一個五天團去 塔斯曼尼亞，一個一日遊去 大洋路 睇 十二門徒石。
