因為一碗麵。
我病咗兩日。
又痾又嘔。
不過亦因為咁。
我得到充足嘅睡眠叉足兩日電。
同輕咗幾磅。
香港。
越來越唔好住。
越來越冇家嘅感覺。
周圍都係大陸人同普通話，大陸人同普通話，大陸人同普通話。
唔知由幾時開始，葡撻成為咗我嘅至愛。
由 KFC 到 澳門瑪嘉烈 都唔放過。
我開始覺得我已經單身單到去一個悲哀嘅地步。
（用呢個標題係因為啱啱聽到《活著多好》）
自從發現你之後。
無論咩日子。
無論咩時間。
無論逗留幾耐。
每次去到嗰度。
都總會至少遇到你一次。
我同自己講。
唔係有緣。
只係巧合。
我不斷同自己講。
係巧合。
12/. 學射擊
13/. 學書法
14/. 學影相
15/. 學聽黑膠碟
一年一度，麻甩佬的浪漫。
羊腩煲，扣肉煲，煎蠔餅，鹵水鵝，臘味煲仔飯。
仲有，可樂。
新年。
亞媽勾咗條新頸巾俾我。
等咗九日天氣終於轉涼。
開齋。
尋日有幾個鐘頭時間空檔。
於是睇咗場戲。
然後四圍遊蕩。
爆鑊。
老細問罪點解有啲嘢差唔多成一年都未搞掂。
我答：因為懶。
9/. 紋身（紋一個字或一個符號，紋喺父母唔容易見到嘅地方）
10/. 每日影一張相（時間係起身嗰一刻，影嘅係窗外）
11/. 搵個女朋友（長遠交往終身伴侶嗰種）
唔係新年願望。
而係確實要做到。
1/. 變瘦（唔係減肥，而係變瘦）
2/. 睇書（每晚睇）
3/. 進修（考返啲證書呀學位之類）
4/. 每星期入戲院睇戲（至少一次）
5/. 揸車（有牌十年但未揸過）
6/. 轉工（暫定四月）
7/. 繼續一年去三次旅行（暫定四月沖繩，八月富士山，十月新加坡）
8/. 不再自閉（多約朋友行街睇戲食飯聯誼）
可能仲有不過忘記咗。
記得再補。
間中就會有親戚問我妳嘅近況。
做緊乜嘢？結咗婚未？
我每次答：唔知。
啲人就會露出驚訝嘅表情。
然後我又要解釋一番我係一個唔會同前度聯絡嘅人云云。
已經過咗六年。
我真係唔知啲人會問到幾時。
而我又要答到幾時。
可能係因為妳係唯一一個我啲親戚們見過嘅前度。
又或者可能係大家一直認為我應該／會同妳會結婚。
喺 2013 年嘅最後一日。
我希望由下年開始無人會再問起妳。
我記得我以前同任何人傾電話都唔會 dead air.
但依家嘅我係連偈都唔想傾。
已經唔記得有幾耐冇同朋友認認真真咁傾過偈。
楊千嬅《曾幾何時》
作詞：林夕
作曲：伍樂城
除了問候玫意 閒來說世界大事
然而忘記上次衷心細訴是何時
最落寞那次 仍然笑說我沒事
完全忘記上次分擔困惱是如何樂意
靜處在家中竟有壓力 就似擔心失去價值
寧願日日夜夜大聲播 情歌 真不真實也好過
張學友《樓上來的聲音》
作詞：林夕
作曲：藍奕邦
編曲：David Tan/Michael Au
樓上來的聲音 樓下來的聲音
誰共誰現在做甚麼 不要緊
喧嘩作樂 為何如此吸引
寧靜時的聲音 彷彿飛不走的蚊
混雜著內心的噪音
今天假日 為何毫不吸引
靜處在家中竟有壓力 就似擔心失去價值
寧願日日夜夜大聲播 情歌 真不真實也好過
如何能將工作當戀愛進了又退 從早午晚都拉鋸那有樂趣
何不躲進浴缸裡痛快地流淚
如何能將戀愛當工作奮鬥下去 如早午晚找不到半個伴侶
何不休假 像清水一般空虛
人為何不開心 想一天到晚興奮
但願做甚麼都滿分
討好眾人 換來自己 抖震
Merry Merry Christmas
Lonely Lonely Christmas
人浪中想真心告白
但你只想聽聽笑話
Lonely Lonely Christmas
Merry Merry Christmas
明日燈飾必須拆下
換到歡呼聲不過 一剎
只要做個好男人。
Miss Right 終有一日會出現。
p.s. 愈來愈鍾意湯唯。
《北京遇上西雅圖》
假如我早喺佢出現之前已經同你表白。
今日同你喺埋一齊嘅又會唔會係我呢？
經過今次台北之行。
我決定唔會再一個人去旅行。
兩年，六次旅行。
全部都係一個人去。
夠了。
孤獨夠了。
currentVote
noRating
noWeight
喺台北時睇咗一個同夢想有關嘅展覽。
一路睇我一路問自己。
究竟你嘅夢想係咩？
答案係：冇。
然後我又問自己。
係咪應該要搵返一個夢想，等自己似返一個人？
答案係：唔知。
忽然覺得一個冇夢想嘅人就仿佛好似冇生命一樣。
去旅行都有對錯之分？
有。
當你唔享受你嘅旅程嘅時候。
就等如白去。
今次台北之旅，我好後悔去咗。
去完比去之前更唔開心。
究竟去嚟做乜？
「1498-1499年，達文西於手稿中預言『電子通訊』終將出現，人們可在遠方彼此交談。」
一個人。
一棵樹。
一個人望住一棵聖誕樹。
預期今年嘅聖誕又係一個人過。
我唔知邊個係 Eva。
但其實全世界嘅人都有差不多相同嘅希望。
四個月前去咗一趟台北，感覺良好。
四個月後再去，希望可以一樣咁快樂同享受。
可惜，帶住滿腦子煩惱上機。
又點會開心。
未出發，已經唔興奮。
尋晚睇到一段關於美國舉行低空跳傘活動嘅新聞。
新聞末段，記者問活動參加者點解你哋要搵命博？
嗰個人答：You can only live once. Enjoy it!!!
忽然諗。
我係咪時候應該去做一啲瘋狂嘅事？
或者至少，去做一啲可以令自己開心嘅事。
唔明點解每次你行埋嚟問我嘢時都要扮花。
哭笑不得。
哈哈！
（如下圖）
越來越怕「錯過」。
最近不停買不停儲一啲我鍾意嘅嘢。
玩具、精品、書、影碟等等。
恐怕呢一刻一錯過咗將來就買唔返。
開始失控及病態。
最近好鍾意睇超級英雄漫畫改編嘅電影。
《Iron Man》《Thor》《Captain America》《The Avengers》《Batman》《Superman》
接觸同投入於一個虛擬嘅電影世界。
似乎比現實更勵志、更快樂。
每次同個同事食飯，我都覺得我係對住一隻食緊豬餿嘅豬。
任何時候只要隻豬胃氣攻心，佢都會肆無忌憚咁用口去放屁。
今日無意中行超市竟然俾我發現寶物。
真係已經好多年無食過。
忽然好鍾意台灣嘅嘢。
去台灣旅行。
睇台灣節目。
愛台灣女孩。
仲有。
每逢星期六都去誠品飲杯奶茶。
我對自己說。
「你以前點對人？你依家可以期望人哋點對你丫？」
《不妨一試》吳浩康
嫌我俗氣沒有內涵 擒高坐低也不起眼
我這麼平凡 其實好感已有限
若你天生心散 要幾倍多的空間 奇在怕仍然礙眼
連望真一點也困難 然後迎合你也會撞板
來埋身去欣賞我有最大決心 堅壯兩臂夠闊任你枕
遠觀不夠親切感 但肯可取這個我善良又忠心
拋不低過份戒心 都不緊要就算開始是零分
就慢慢的關心你 跟你貼近
我若然劣到低等 陪襯也不敢氣憤
忽然有事要通知已多年無聯絡嘅你。
我懷疑，我一世都會記得你個電話號碼。
因為，同我個身分證號碼一樣。
當年一齊出電話時完全無諗過會係今日咁嘅情況。
你總是出奇不意的走過來找我幫忙。
沒有 Whatsapp.
沒有 Facebook.
如何才能跟你聯絡得上？
永遠都係錯咗之後先知道錯。
要停。
點寂寞。
都要向前行。
回頭只會泥足深陷。
寂寞會令人迷失。
我亂噏。
事情永遠都係一廂情願。
報應嘅嘢如果真係要發生。
似乎越早還越好。
就趁我依家孤家寡人。
免得將來又害人。
要鬧、要玩。
一筆勾消。
又換新電話。
已經記唔起係近年嘅第幾部。
一年換一部、兩部、定三部？
數唔到。
同前度一齊時係用邊一部？
同前前度一齊時係又用邊一部？
同前前前度一齊時係又用邊一部？
無咩印象。
我貪新鮮。
我認。
我都好想知點解我會變成咁。
定係我天生就係咁？
有時。
我也會想找回她、或她、或她。
那些曾經錯過，或在陰差陽錯下無疾而終的她。
重頭再來，結局會否變得不一樣？
但我怕。
有報應。
一定有。
