我一向自誇沒有甚麼事好後悔。
但，今天。
從沒這麼後悔過。
《無間道》
沈澄：「往往都是事情改變人，人改變不了事情。」
無錯。
做咗依家呢份工兩年半，我幾乎變咗做另一個人。
有時候。
無論身邊嘅朋友點勸你，又或者你點說服自己。
你都係無辦法改變。
但一件事嘅發生。
足以改變一個人嘅一生。
一個消息。
將會再令我變成另一個人。
黎耀輝：「何寶榮，不如我哋由頭嚟過吖。」
電影《春光乍洩》嘅經典對白。
可惜呢個世界係冇「重新開始」呢樣嘢嘅。
連戲入面都冇。
何況現實。
即使患上失憶症。
你亦會記起某啲事。
因為有啲記憶。
已經融入咗你嘅細胞。
跟隨你直到死嗰一刻。
以前有太多嘢喺個腦度想寫但懶到寫。
依家係變到個腦咩都冇想寫都無得寫。
想現狀好一點，於是打算改變。
但沒人說過改變了，現狀就不會再這麼差。
日頭做人已經似行屍走肉。
夜晚都仲要睇多次感受下。
天生同植物絕緣。
有時亞媽喺屋企放咗盆盆栽成個星期我都可以視而不見。
但唯獨蒲公英可以吸引到我嘅注意。
某某：你嗰方豬夏唔夏無杏恕注？
我：吓？
（你個4G係唔係無限數據？）
一個價值5億嘅住宅單位嘅景。
值唔值？
見仁見智。
如果我有5億，我會環遊世界。
唔會對住一棟棟嘅鋼筋同一個窄到似河嘅海港。
自從由日本返嚟之後就一直心緒不寧。
工作時不能集中。
放假時又不能放鬆。
整個生活都變得一塌糊塗。
我唔知係我想走。
定係我唔想留。
我唔肯定我係喪失咗啲咩。
定係我冇得著過啲咩。
難得週中有一日公眾假期。
我決定收拾心情要令自己重回正軌。
我可以接受我將來嘅另一半唔生小朋友。
但唔可以唔鍾意我對契仔契女。
從未試過去旅行去到咁唔捨得返香港。
令我再次渴望可以長期離開香港生活。
但由於已過可以申請 Working Visa 嘅年齡。
所以已經再無可能實現。
不過妄想下都好。
如果十年幾前識諗。
每兩年去一個地方。
可能我依家已經遊咗半個地球。
以往去旅行我都好少購物。
但今次，幾近失控。
最誇張嘅係。
我要買多個喼。
你應該比我過得好吧？
我也不知道自己算不算過得好。
話說拜山時同長輩講。
如果見到邊度有未雪嘅細樽裝可樂賣就通知我。
等我買返幾支得閒過下癮。
結果 ...
我舅父好錫我。
喺灣仔一間茶餐廳幫我訂咗。
一箱廿四支。
要自取。
仲要「按樽」同還箱。
而我，住西貢 ...
醫生：去日本你唔驚咩？
我：吓？
醫生：輻射喎！
我：好耐啦。
醫生：未散架。你未結婚又未有小朋友。
我：無擔心咁多喎。
醫生：知你性格啦！
我：哈！
其實俾醫生講一講之後我真係有啲驚。
不過唔理咁多。
因為我已經期待咗半年。
我媽間中都會整春卷我哋食。
一整，就整 48 條。
但我屋企，得三個人。
我問，點解每次都整咁多？
媽答，因為一包春卷皮有 48 塊。
我再問，冇少啲咩？
媽說，有 24，但整 48 條易預啲。
吓？
當你返工做嘢做到唔知時間轉眼食晏。
當你將星期一當做星期五然後等放假。
拜山時見到一對長輩。
睇住佢哋依家嘅相處方式。
我真係想問一句佢哋當初結婚究竟為乜。
怎樣認識。
怎樣相處。
怎樣溝通。
其實都不重要。
我問自己。
有心動嗎？
我答自己。
沒有。
還是算吧。
經過數天 whatsapp 後相約午飯。
我：去日本時部電話換咗上網卡咪無人打到電話搵你？
你：有 whatsapp 嘛！好少人會打俾我，我亦唔太鍾意傾電話。
我：但係 whatsapp 靠打字無語氣有時好易出事喎！
你：唔覺有咩問題丫。
我還是喜歡直接對話多一點。
不想對著一部電話裡的文字談戀愛。
沙士，十年。
張國榮，亦離開了十年。
那年，我不在香港。
最近看著那些回顧的電視節目。
彷彿我沒經歷過，已再算不上是香港人。
明知你不會理我。
我又何苦要去關心你？
人總是這麼犯賤。
你：我拍拖係為結婚。
我：吓？
你：你唔係嘅咩？
我：唔係。
你：咁你拍拖為咩？
我：唔 ⋯⋯
你：吓？唔知？
我：唔 ⋯⋯ 為談情。
你：⋯⋯
想食就食。
想買就買。
想點就點。
我都唔知幾時死。
做乜要刻薄自己。
無聊。
忽然諗。
假如將來識嗰個女朋友係 曼城 或 巴塞 fans 嘅話。
咁點算？
如果你發覺公司部電腦會無緣無故重新啟動、熄機又或者神神化化。
咁你應該係得罪人了。
朋友因工作關係調往新加坡。
為期一年。
我羨慕不已。
記得當日回流香港後的第一份工。
本有機會每年都要到歐洲一、兩趟。
可惜我捱不到那一天已經離職了。
常常嚮往到外地公幹。
可以留上一年半載就更好。
朋友都說其實很辛苦。
我說沒試過我不心息。
朋友問，為何我常想離家（香港）出走。
我說，不知道。我從來就沒有思鄉病。
聽到一則由七十樓跳樓嘅新聞。
喚醒我呢個從未住得高過六樓嘅人嘅一個夢想。
就係將來有機會嘅話就有咁高住咁高。
情侶間應該可以有秘密嗎？
又或者說，夫妻之間還應該有秘密嗎？
都成夫妻了，還有甚麼需要隱瞞？
我常在想。
我應該給我的下一任女友知道我這個 BLOG 的存在嗎？
難道要待她成為了我的太太時才讓她知道？
朋友說，做人不要太坦白。
另一個朋友說，應該對她坦白再看她能否接受。
我想。
即使曾經碰壁。
我還是想坦白一點。
無緣無故，經過年半之後「風癩」又再復發。
又因為工作壓力太大了嗎？
上次折騰了數月，不知今次又要捱多久。
除了服藥，還是服藥。
