Day 3 - 大阪

Day 2 - 大阪

Day 1 - 大阪

期待已久

我足足等咗半年。

一切還好

你應該比我過得好吧？


我也不知道自己算不算過得好。

得啖笑

話說拜山時同長輩講。

如果見到邊度有未雪嘅細樽裝可樂賣就通知我。

等我買返幾支得閒過下癮。


結果 ...


我舅父好錫我。

喺灣仔一間茶餐廳幫我訂咗。

一箱廿四支。

要自取。

仲要「按樽」同還箱。


而我，住西貢 ...

一意孤行

醫生：去日本你唔驚咩？

我：吓？

醫生：輻射喎！

我：好耐啦。

醫生：未散架。你未結婚又未有小朋友。

我：無擔心咁多喎。

醫生：知你性格啦！

我：哈！


其實俾醫生講一講之後我真係有啲驚。

不過唔理咁多。

因為我已經期待咗半年。

聽見都驚

我媽間中都會整春卷我哋食。

一整，就整 48 條。

但我屋企，得三個人。


我問，點解每次都整咁多？

媽答，因為一包春卷皮有 48 塊。

我再問，冇少啲咩？

媽說，有 24，但整 48 條易預啲。


吓？

忙嘅定義

當你返工做嘢做到唔知時間轉眼食晏。

當你將星期一當做星期五然後等放假。

換畫

已經數唔到係喺呢一年內換嘅第幾部電話。

有點病態。

一時衝動

拜山時見到一對長輩。

睇住佢哋依家嘅相處方式。

我真係想問一句佢哋當初結婚究竟為乜。

讓理智在叫著冷靜冷靜

怎樣認識。

怎樣相處。

怎樣溝通。

其實都不重要。


我問自己。

有心動嗎？


我答自己。

沒有。


還是算吧。

無法連接

經過數天 whatsapp 後相約午飯。



我：去日本時部電話換咗上網卡咪無人打到電話搵你？

你：有 whatsapp 嘛！好少人會打俾我，我亦唔太鍾意傾電話。

我：但係 whatsapp 靠打字無語氣有時好易出事喎！

你：唔覺有咩問題丫。



我還是喜歡直接對話多一點。

不想對著一部電話裡的文字談戀愛。

十年

沙士，十年。

張國榮，亦離開了十年。


那年，我不在香港。


最近看著那些回顧的電視節目。

彷彿我沒經歷過，已再算不上是香港人。

一見你就笑

暫時沒有其他事比得起跟你們見面更快樂吧！

相睇

這樣的安排。

會是一個好的開始嗎？

自討沒趣

明知你不會理我。

我又何苦要去關心你？


人總是這麼犯賤。

為，甚麼？

你：我拍拖係為結婚。

我：吓？

你：你唔係嘅咩？

我：唔係。

你：咁你拍拖為咩？

我：唔 ⋯⋯

你：吓？唔知？

我：唔 ⋯⋯ 為談情。

你：⋯⋯

任性

想食就食。

想買就買。

想點就點。


我都唔知幾時死。

做乜要刻薄自己。

冤家

無聊。

忽然諗。

假如將來識嗰個女朋友係 曼城 或 巴塞 fans 嘅話。

咁點算？

寧得罪上司 莫得罪 IT

如果你發覺公司部電腦會無緣無故重新啟動、熄機又或者神神化化。

咁你應該係得罪人了。

自我流放

朋友因工作關係調往新加坡。

為期一年。


我羨慕不已。


記得當日回流香港後的第一份工。

本有機會每年都要到歐洲一、兩趟。

可惜我捱不到那一天已經離職了。


常常嚮往到外地公幹。

可以留上一年半載就更好。

朋友都說其實很辛苦。

我說沒試過我不心息。


朋友問，為何我常想離家（香港）出走。

我說，不知道。我從來就沒有思鄉病。

好高騖遠

聽到一則由七十樓跳樓嘅新聞。


喚醒我呢個從未住得高過六樓嘅人嘅一個夢想。

就係將來有機會嘅話就有咁高住咁高。

私隱

情侶間應該可以有秘密嗎？

又或者說，夫妻之間還應該有秘密嗎？

都成夫妻了，還有甚麼需要隱瞞？


我常在想。

我應該給我的下一任女友知道我這個 BLOG 的存在嗎？

難道要待她成為了我的太太時才讓她知道？


朋友說，做人不要太坦白。

另一個朋友說，應該對她坦白再看她能否接受。


我想。

即使曾經碰壁。

我還是想坦白一點。

舊病復發

無緣無故，經過年半之後「風癩」又再復發。


又因為工作壓力太大了嗎？


上次折騰了數月，不知今次又要捱多久。


除了服藥，還是服藥。

誤入歧途

我啲屋企人係基督徒。

而我自細亦喺天主教學校讀書。

但由我懂性開始（其實可能到依家都未懂？！）

或者講係由我有獨立思想開始。

我已經知道呢個宗教唔適合我。


一，我冇咁偉大。

二，我亦冇咁戇居。


身邊有兩個同事係好虔誠嘅基督徒。

最近同佢哋接觸多咗。

聽多咗佢哋講嘅道理。

慢慢咁就有啲嘢入咗腦。


響一星期前有啲嘢好困擾我嘅時候。

我竟然有一下嘅衝動想叫呢兩位同事帶我返教會。


好在最後魔鬼仍然企響我身邊阻止咗我咁做。


但我終於體驗到點解啲人響絕望時需要宗教作為精神支柱。

因為除咗宗教之外，佢就乜嘢都冇了。

腦閉塞

思維反應不暢順。

打不出甚麼東西。

去舊迎新

當 Blu-ray 都只係賣 $49 嘅時候。

就係時候換走 VCD 同 DVD 了！

悶遊二選一

最近響工作上忙到癲咗。

每日都只係期待個 project 快啲完可以請假去旅行。


雖然來來去去都係去日本或者台灣。

但其實地點唔重要。


我只想離開香港抖抖氣。

《Before Midnight》

終於來了！


《Before Midnight》

復古

買咗 CD 先醒起原來自己已經冇 CD Walkman.

於是又走去買部。


朋友話我傻。

我話佢哋唔識貨。


不過依家啲 CD Walkman 雞咗好多。

貳零壹叁年之第肆件事

第四件事。

是要減肥。


過年時大吃大喝。

胖得連「事業線」也擠得出來了 ...

契女

得兩個月人仔就已經識得笑嘅契女。

舊情人節

沒有情人的情人節。

難免會想起舊情人。


多年來並沒有在街上遇到舊情人。

是一件非常值得感恩的事。


一旦碰上了。

做甚麼好？甚麼也不做？

說甚麼好？甚麼也不說？

我不知道。

我不懂處理。


假如看到她拖著丈夫帶著小孩。

我會替她高興，然後替自己感慨一下。

假如看到她是一個人而無名指上還未戴上婚戒。

我或許又會胡思亂想一番。


所以。

還是不如不見比較好。

簡單要求

「咁耐冇拍拖，好心你就咪鬼咁奄尖啦！」

朋友勸。


「都已經只係得返一啲普通要求啫。」

我說。


「例如？」

朋友問。


「唔寫 blog ...」

我答。

祝福定詛咒

「恭喜發財！」

「乖！俾封利是你，下年到你派喇！」

「嘩！講埋呢啲衰嘢，你似咒我多過似祝福我喎。」我笑。

初一

今年嘅農曆新年對我嚟講只有一個意義。

就係連放九日假認真抖抖。

定下來

連一向被人感覺玩世不恭嘅鄭伊健都結婚埋了⋯

我以後又少咗個有力嘅擋箭牌。

膚淺的人

Andy Warhol: "I am a deeply superficial person."

（安迪華荷：「我是一個深度膚淺的人。」）


我：「我是一個膚淺得不能再膚淺的人。」

懷舊

假如有一日我結婚。

又假如我會請埋飲。

又假如我可以點菜。


乳豬全體一定不能少。


重點在於嗰兩盞燈。

同埋嗰兩粒罐頭車厘子。

無緣亦無份

唔好以為返工放工撞到十次八次就真係好有緣。

就算俾你撞到一百次都只不過可能係純粹巧合。

千祈唔好諗多。

如果 ... 陽光

你每日早餐都會飲盒檸檬茶。


我每次飲檸檬茶都會諗起你。


唔通我要戒甩檸檬茶先至可以忘記你？

骨感美

「你成日話想搵個瘦嘅女朋友。究竟你要幾瘦？」

朋友問。


「營養不良吧！」

我答。


（圖為 桂綸鎂）

後遺症

難道沒練習太耐　感覺都追不回來

試圖再　努力愛　也顯得不自在



麥浚龍《耿耿於懷》

貳零壹叁年之第叁件事

第三件事。

是想儲點錢。


可笑的是在第一個月已經入不敷支。

貳零壹叁年之第貳件事

第二件事。

是想多讀書。


本打算由一月一日開始，每晚看書半小時。


結果。

好像只維持了三個晚上。

貳零壹叁年之第壹件事

踏入2013年，有些事是特別想於今年內達成的。


第一件事。

是想改善／建立與其他人的關係。

認識多一些朋友，不再封閉自己。


對親人好一點。

對朋友好一點。

對自己好一點。

活地阿倫「情迷歐洲三部曲」

《情迷巴塞隆拿》

《情迷午夜巴黎》

《情迷羅馬》


好睇程度逐集下降一啲。

好似睇得明，又好似睇唔明。

還是趁早把你忘記

響我哋無聯絡超過一星期之後再見面。

當我決定放棄繼而刪除咗我哋嘅 whatsapp 對話之後第二日。

忽然收到妳嘅一個問候訊息。

於是我哋又再不著邊際咁寒暄幾句。

仍舊又係我講多多你講少少。

跟住又係慣常咁突然無回覆對話結束。

然後我又再次陷入苦惱之中。


究竟妳係想搵我而搵我？

抑或只係妳太悶無人可搵而搵到我？


以前我會覺得。

無論喺咩原因之下有人諗起自己都總好過冇俾人諗起。


但依家，我寧願妳冇記起我。

剩男

身邊朋友相繼結婚生仔。

父母開始為我擔心。

好友們開始覺得要介紹女仔我識。

感覺，有啲悲哀。



古巨基《獨男》

秒殺

下班後相約妳逛街吃晚飯。


「我的前度很喜歡看電影、聽歌和看美劇。
　還會迫我陪他，悶壞了我。」

　妳說。


（完了．．．）

　我想。

尋人

孤兒。

不願一個人

一個人行街。

一個人睇戲。

一個人食飯。

一個人旅行。


究竟有幾多女仔會同我一樣係咁時常一個人？


越來越唔想再係得自己一個人。

2013/01/01

由於返工太攰嘅關係。

尋晚十一點半左右已經頂唔順要去瞓。

又由於屋外太多人慶祝好嘈嘅關係。

於是我戴住 headphone 聽住歌瞓。

聽住嘅係《不來也不去》

不斷 loop 住同一首歌，百感交集。

朦朧中就瞓著咗。

瞓醒嘅時候，MP3 機仍然播住同一首歌。

《不來也不去》

可以總結我響 2012 年入面嘅心情。

亦可以代表我所展望嘅 2013 年。

（原來已經係第三次響 BLOG 度 post 呢首歌）

《不來也不去》

歌手：陳奕迅
作曲：C Y Kong
填詞：林夕
編曲：C Y Kong

揚帆時 人潮沒有你 我是我 和途人一起
停頓時 在你笑開的眼眉 望穿秋水之美
回程時 浪淘盡了你 任背影 長睡著不起
留下我 在糞土當中 翻檢背囊 直到拾回自己

掌心因此多出一根刺 沒有刺痛便懶知
就當共你 有舊情沒有往事

如煙 因給你遞過火 如火 卻也沒熔掉我
回望最初 當喪失是得著可不可
可痛若驪歌 樂如兒歌 像你沒來過 沒去過


誰同行 仍同樣結尾 血液裡 才遺傳悲喜
誰亦難 避過這一身客塵 但剛巧出於你
垂頭前 沒緣份喪氣 睡到醒 才站立得起
盲目過 便看到天機 反覆往來 又再做回自己

即使一生多出一根刺 沒有刺痛別要知
就當共你 有劇情沒有故事

如花 超生了沒有果 如果 過路能重踏過
就當最初 是碎步湖上可不可
不種下甚麼 摘來甚麼
像我沒來過 沒去過

喪

最近睇喪屍睇上腦。


先係睇完明珠台播嘅《Walking Dead》第二季之後意猶未盡晚晚上網煲至少一集第三季。

沉迷到連響公司食晏都開嚟睇。


然後再癲到一次過買晒《生代危機》1 ~ 5 集嚟做除夕同新年嘅重點節目。


唔知點解會忽然愛上睇喪屍。

仲要睇完夜晚會發惡夢都要繼續睇。

聖誕歌

要數我最鍾意嘅聖誕歌。

相信一定係呢首。

末日、冬至

以為世界末日可以一了百了。

瞓醒時無發生。

兩點時無發生。

等到七點半都無發生。

頂你空歡喜一場。


以為冬至有得放早。

三點無放。

四點無放。

終於等到五點有得放。

頂你不如唔好放。


因為撞到你同其他人一齊。

令我覺得如果世界真係末日。

可能至少會令我今日好過一啲。

迎接末日

還有兩小時就踏入 2012/12/21.

世界末日會來嗎？

不要不來啊！

末日不來的話就真的是末日了。

悶到嘔電

電力系統需要大檢。

屋企停電廿四小時。

咩都做唔到悶到嘔。


我終於知道點解以前生育率比較高。

沒有電視的晚上

沒有電視的晚上。

我寫了之前的兩篇網誌。

單手拍得響

一隻手掌拍唔響。

但總可以拍大脾。

留情

兩年來我經常要到不同的地點工作。

逗留一個地方的時間由短至半小時到長至數個月。

需要接觸的人數以百計。

但對大部人而言，我只是他們工作環境上的一個過客。

所以我一向習慣不投放太多的感情於同事身上。

保持距離、獨來獨往。

同事就是同事，不是朋友。

以免關係變得複雜。


但在過去的三個月。

這種自我約束的能力開始轉弱。

我開始懷疑以往定給自己的規條是否恰當。


應該快樂地去迎接快樂？

還是不快樂地去避免不快樂？


終於是時候不再抑壓自己了嗎？

我不能肯定。


不想留下感情。

因我終歸會離開這個地方。

冷血動物

我一向好少關心朋友。

唔係唔想，而係唔識。


要我講一啲慰問或者窩心嘅說話。

連我自己都會毛管戙。


近日嘗試改變開始對朋友好啲。

但似乎佢哋都唔係好慣。


可能我平時真係太仆街．．．

痊癒

能夠再次面對你。

應該可以代表我已經沒事了吧。

春天分手 秋天會習慣

《Concert YY 黃偉文作品展》最精采一幕。

彭羚 容祖兒 - 心淡

2012 小遺憾

如果要數今年嘅一件小憾事。

應該都算係無撲飛睇《Concert YY 黃偉文作品展》


睇碟都已經覺得精采。

草蜢森巴大戰軟硬Fans演唱會2012

睇得人非常開心嘅演唱會。

YEAH！

《未完的小說》

今朝忽然想聽 彭羚。

輸在起跑線上

根本跑唔郁。

慢跑一圈已想死。

過去只是一堆廢紙

一部碎紙機。

可以將過去的人和事一併碎掉。


由今天開始。

我再記不起往事。

亦沒跡可尋。

四個週末

屈喺香港放八日大假。

感覺其實似連續過咗四個星期六、日。


日日響度無無聊聊咁做平時週末做嘅嘢。


第一次放假放到唔想放想返工。


浪費咗一個假期。

釣魚台是中國的

因為中國同日本嘅釣魚台爭拗令局勢變得緊張。

直接令我父母基於安全理由而勒令我取消京阪神之旅。


老實講。

雖然我理解父母嘅諗法。

但條氣仍然相當唔順。


專登唔揀另一個地方去。

專登唔取消已攞嘅大假。


擺明鬥氣。

痛苦嘅咪又係自己。

《聽風者》

走粉

就嚟全香港嘅小朋友都只可以靠飲人奶長大。

諸事不順

如題。

童年回憶

細個時睇得最多嘅「書」。

應該就係《老夫子》

重遊尖沙咀

影呢張相嘅時候我響度諗。

世界上有邊度嘅夜景比呢度更靚？

睇呢個展覽嘅時候我響度諗。

有邊個笑容比呢個更諷刺？

《ALIEN ANTHOLOGY》異形四部曲

由於睇咗《PROMETHEUS》普羅米修斯 嘅關係。

於是我睇埋《異形》

《PROMETHEUS》普羅米修斯

由於無睇過《異形》嘅關係。

所以我唔知道原來呢套戲係《異形》前傳。

命、運

我條命，要同人交代。

我嘅運，由個天安排。

誰都不知我心底有多暗

返到辦公室前，離開辦公室後。

總會塞上耳筒，拒人於千里之外。


甚少主動搵人吹水。

其他人撩我都只會係一句起兩句止。


唔 add 同事 Facebook.

除非已經變咗做「舊同事」。


對於所有同事嚟講。

我只係一個陌生人。



最近好鍾意食完晏之後一個人聽住歌響海旁散下步。

啞咗

我說：返工竟然比放假快樂。


朋友：生活貧乏得剩下工作。

《愛》

曾經有好一段時間，我一直在逃避看愛情片。

原來已經是時候可以面對了。


有些事，確實只會在電影裡發生。

尤其是好事。

逼真

我幾乎殺咗人。

喺夢入面。


朋友話我壓力大。

我諗係卦。


不過。

殺人嘅感覺真係好震撼。

《晚秋》

一直好期待呢套戲。

一路等佢出碟。

結果。

又係冇預期中咁好。

Chok

逃難

再唔離開香港抖抖氣。

我就會癲。

有心唔怕遲？

十年前已經應該要做嘅事到今時今日先做。

一切都已經太遲。

夢想有價

曾經以為可能好遙遠嘅一個夢想。

依家原來唔駛一萬蚊就可以實現。


既興奮，又失落。

貧窮的富二代

朋友話我係富二代。

但其實我本身好窮。

無樓無車無錢無女。

邊有有錢仔會係咁？

答案

今日有一個可能係個天安排俾我嘅機會擺響我面前但我糟蹋咗。


喺做一個決擇時。

我再一次揀咗以自己嘅感受行先。


我終於知道。

如果我一直將「自己」放響任何人之前。

幸福只會一直離我好遠、好遠。


可惜。

時光唔會倒流。

機會冇第二次。

絕種

常有人對我媽說。

「你兒子啊！是少有的好仔。」


我想。

「是啊！跟恐龍一樣，應該在地球上消失。」

明明當初貪玩 怎麼想博命

我當初並唔係因為貪玩。

卻響不知不覺間博咗命。

陳奕迅《猜情尋》

作詞：林夕
作曲：吳國敬/孫偉明
編曲：吳國敬/孫偉明

遊戲就算輸了亦有限　難過像過山車哪麼辦
前程不管可否錦繡　加燦爛
認真地玩　全心去玩　更好玩

遊戲若有輸也就有贏　除了力氣當然也講命
明明當初貪玩　怎麼想博命
何必面青　何必太驚　快聽聽

別當你要奮勇血戰　無論聰穎或愚笨
猜猜情尋　雖不如人　不影響你笑臉迎人
沒有說過你要戰勝　留下歡樂便無憾
猜猜情尋　猜猜情尋　玩輸可以勝過別人
多一餐好教訓

前進後退不過是個夢　搖過蕩過不失個好夢
前程不管可否錦繡　都有用
目標落空　才可有空　放輕鬆

誤解

好多人話我身在福中不知福。

其實我只係盡量有風駛盡艃。


因為我唔知我幾時死。

寧缺勿濫

你會選擇無一樣嘢。

定選擇一件一樣樣嘅假嘢？


我寧願無。