玩咁多年好似第一次咁高分？！ 第一次出場就一場入八球 (足總盃，副選陣)。
好鍾意聽 王菀之。 應該係繼 王菲 之後最鍾意o既一把聲。iPod 必有，開台必播，當然，只限慢歌。
推介：《畫意》、《幸福》、《恨也講資格》、《手望》、《一秒感動》
由於過量 download 外國電視節目導致用晒 quota，所以上網速度 shaped 到得番 64k。64k，等同於用 dialup 56k o既速度，慢；慢到連網都唔想上。捱o左兩日，好彩今晚 0:00am reset quota，可以重見天日。用慣寬頻，我諗好多人已經忘記o左用 56k 上網o既日子，年青一輩甚至未用過。如果由呢一刻開始香港得番 56k 上網，我諗暴動都似。又記得 uncle 講o既一句說話：『人，係好難行返轉頭o既』。
靚仔，真係剪咩髮型都好睇．．．
期待已久，終於出o左，正，必買！！！ (返到香港時先)《洛奇六部曲 (DVD) (傳奇珍藏套裝) (香港版)》
英格蘭領隊麥卡倫重召碧咸入國家隊下月友賽巴西以及歐洲國家杯外圍賽鬥愛沙尼亞呢個行為真係非常核突，早知今日，當初又何必撐到咁行？如果碧咸表現好建奇功，麥卡倫都應該要搵定個窿捐。奈何每個英格蘭國家隊o既領隊都面皮奇厚，到時又會有一番美妙『解釋』．．．
又係一場令人失望o既賽事．．．點解依家o的波再冇以前o個o的咁好睇？
工作雖然辛苦，人工亦唔高，但我比以前快樂。人生不求甚麼，但求無憂無慮的快樂。
工作o既最大滿足感，係來自搵到錢之後消費o係吃喝玩樂之上。食餐好，買心頭好，去旅行等等。就係咁簡單。
自從開始工作之後，真係你搵支鎗指住我個頭我都唔願再讀書。
讀書同工作o既最大分別係，放學之後仲有大把手尾跟，又要做功課，又要溫習，又要考試，成日心掛掛，連週末都冇得輕輕鬆鬆，何況我唔係一個有興趣讀書兼勤力o既學生，更痛苦。
依家放工之後拍拍籮柚就走，乜都唔係卦，輕鬆自在。
雖然讀書時可以有較多o既私人時間，但我寧願要朝九晚五過後連埋週末o既自由時間。
私人時間多但冇自由，等同坐監。
讀書有知識入腦，但唔包你搵到錢，知識再多，但冇飯開，都係餓死。
反而工作後有錢入袋比較來得實際同有安全感。
可能，我比較膚淺。
