一定非 吳鎮宇 莫屬。
演技好不特止，最重要係我覺得佢好型。
好記得有一套戲有一個畫面（但唔記得邊套戲）。
一開始時佢著住一套全白色西裝，轉身坐落張梳化度。
型爆！
由《古惑仔之人在江湖》演 o靚坤 開始，我就做咗佢 fans 屎。
之後嘅《爆裂刑警》、《鎗火》、《愛與誠》、《救薑刑警》、《無間道II》、《黑白森林》、《黑白道》、《神經俠侶》、《放·逐》、《軍雞》等等，我都好鍾意。
反而佢拍電影前做嘅電視劇同之後拍嘅《衝上雲霄》我都冇乜點睇。
始終覺得電視劇有礙佢發揮。
最近翻睇咗佢嘅其中一套戲《朱麗葉與梁山伯》。
又係好得。
「No Coke. No Hope.」就係響呢度出嚟。
