尋日朝早邊聽住呢首歌邊上網搵呢首歌嘅ＭＶ。
點知俾我響 youtube 發現咗一段動畫。
原來呢首歌係改編自一套日本動畫《秒速5厘米》嘅主題曲。
一向少睇動畫嘅我，一睇之下已經完完全全咁被呢個動畫吸引住。
短短嘅５分幾鐘，可以比一套９０分鐘嘅電影更有感覺更震撼。
短短嘅５分幾鐘，我完全感受到兩個人互相思念但又分隔開嘅嗰種心情。
睇住個ＭＶ我響度諗，我一直想拍嘅就係呢啲故事、呢啲畫面、呢啲感覺。
動畫入面男女主角嘅眼神，都係充滿盼望。
整個故事嘅發展，亦都令人感覺到好悲。
充滿「無奈感」。
最攞膽嘅，係ＭＶ最尾嗰一段。
男主角重遇女主角，打算轉頭相認，先嚟一架火車將兩人分隔。
正當你以為第一架火車即將走過之際，反方向再嚟多架。
「無奈」到極點。
天，就係咁鍾意弄人．．．
就係呢啲眼神．．．
