四年一閏

咁多年嚟只係認識到一位朋友響2月29號出世。

總覺得喺今日生日係一件好特別嘅事。

死亡倒數

假如我有80歲命．．．

K歌之王

戴返耳筒重新聽返歌嘅感覺真好．．．

系統還原

重新開始。

尋找遺失了的笑容。

雨點

替手機換個「鎖定時螢幕」。


不知何解。

很喜歡跟雨天有關的相片/圖片。


看了後，心境會平靜。

如果說分手是苦痛的起點

周杰倫《軌跡》

我會發著呆　然後忘記妳
接著緊緊閉上眼
想著那一天　會有人代替
讓我不再想念妳

我會發著呆　然後微微笑
接著緊緊閉上眼
又想了一遍　妳溫柔的臉
在我忘記之前

沒有歌 怎敢說心事

放低咗部 MP3 機一星期。

以為停聽頹歌個人嘅心情會好啲。

點知啲歌仍然響我腦內不斷播。

可能之前真係聽得太多。

入咗血。


聽返多啲身邊嘅聲音。

發覺呢個世界真係好嘈。

嘈到我每日都想拎返起個耳筒與世隔絕。


或者我應該順其自然唔好迫自己。

繼續聽歌繼續頹。

麻醉

需要工作。

越忙越好。

讓腦袋沒閒情去想東想西。


需要打籃球。

時間越長越好。

讓腦袋及身體疲累得只想休息不想其他。


需要睡眠。

越久越好。

讓自己失去知覺停止胡思亂想。



我每日都在問自己。

到底我的生活及心情何時才能重回正軌。


可惜，我並沒有答案．．．

心跳回憶

記得曾經因為買曲奇餅而跟她吵架。

之後我一直想找機會送她一盒曲奇希望令她開心。

可惜在還未實行到之前我們已經分開了。


今天，父母的朋友送了我們一份遲來的新年禮物。

偏偏，就是這家曲奇店的產品。


望著這罐曲奇黯然．．．

情感與理智

甚麼是對？

甚麼是錯？


甚麼是應該？

甚麼是不應該？


跟隨情感想做就去做？

還是想做但跟隨理智於是不做？


很迷惘．．．

人辦

睇住電視直播唐英年向傳媒交代僭建事件。

我終於知道咩男人先唔算係男人。


當我聽見唐英年講：建造地牢係太太嘅主意。

我知道，佢已經玩完。


缺失要出嚟，僭建又要出嚟。

唐英年的確娶咗個好老婆。

或者係其實到咗呢一個地步，唐太都冇得選擇。


回歸以來，我從未參與過遊行。

但若然唐英年順利當選特首。

我諗我都要行我嘅第一次。


望住電視我響度諗。

做事，我未必叻得過唐英年。

但做一個「男人」，我可能比佢好。


不過我都多謝唐英年。

因為佢令我笑足一日。

完了吧 如無意外 從今開始該好好戀愛

情人節前夕，我決定替剛過去的一段情劃上句號。

情人節當天，收到她的來電。

時間，又一次出現差錯。


問候、關心、溝通、了解。

不知不覺就談了一小時。

我跟她從來不乏話題。

也許是因為我話多。


她問我有想念她嗎？

我說有，我想念她的好，但也想起她的不好。

她問我有想跟她復合嗎？

我說我有想過，但我知道不應該。


也許只欠一點點的衝動，我們就可以再走在一起。

但就是因為我們以往的一點點衝動，才導致今天的結局。

所以，還是冷靜一點比較好。

因為我知道，我不能再承受多一次跟她離離合合。

因為我知道，再怎樣努力，結局還是會一樣。


失戀傷心，亦很傷身。


忽然想起 楊采妮 的一首歌。

雖然歌詞內容跟我的情況不盡相同。

但有些又很貼切。



《不想傷心多一次》

別了數十天　是你又來電
曾力拒仍心軟　亂了我的計算
事過也情癡　但你卻思念
無份卻彷彿總有緣　再三眷戀

逝去數十天　是那樣凌亂
仍面對人疏遠　就算愛不會變
或偶爾留戀　但我已很倦
曾度過精采的往年　卻不算短

不想傷心多一次願拋開憾事
我盼我可以領會自尊的定義
看我淚流未終止
仍共分開第一天相似
這樣你能否心感滿意

情人節情人

Beyond《情人》

盼望你沒有為我又再度暗中淌淚
我不想留低　你的心空虛
盼望你別再讓我像背負太深的罪
我的心如水　你不必痴醉

Woo... 你可知誰甘心歸去
你與我之間有誰

是緣是情是童真還是意外
有淚有罪有付出還有忍耐
是人是牆是寒冬藏在眼內
有日有夜有幻想無法等待

盼望我別去後會共你在遠方相聚
每一天望海每一天相對
盼望你現已沒有讓我別去的恐懼
我即使離開你的天空裡

多少春秋風雨改
多少崎嶇不奱愛
多少唏噓的你在人海

倒數開始

由這一分鐘開始計起春風秋雨間

限我對你以半年時間慢慢的心淡

惡夢

發咗一個奇怪嘅夢。


夢入面我返咗澳洲。

我老豆一個人過嚟探我。

響 Flinders Street Station 附近同佢失散咗兩次。

因為我老豆唔識英文，我擔心唔知佢會唔會出事。

我哭成淚人咁四圍搵佢。


然後我扎醒。

我記得朦朧間我摸過自己雙眼。

係乾嘅。

但嗰種傷感卻又跟隨到現實。


之後，我又瞓返．．．

慢性中毒

如果能夠嚎哭一場。

也許傷心可以走快一點。


像現在那樣心中慢慢淌淚。

也不知要折騰多久才能回復正常。

著起龍袍都唔似太子

一年一度嘅春茗，又要著恤衫西褲。

好憎。


我一向只鍾意著得簡簡單單舒舒服服。

一執正啲個 look 個人就自然變得拘謹。

但響呢啲場合著得唔好，又會俾人覺得唔尊重。


記得以前響澳洲讀書嘅日子。

身邊嘅外國人根本唔會靠衣裝去衡量你係一個點樣嘅人。


我始終比較鍾意無拘無束自由自在嘅生活。

蔡康永 微博轉載

戀愛時脫口而出的諾言,都是真心的,如同季節到時,樹梢結成的果實那麽真。

只是你也知道,果實從離樹的那一瞬,就開始快速的邁向過期,若沒能及時吃掉,再怎麽香的果,都會變得腐壞難聞。

所以啊,戀愛中的諾言,到後來常令我們難受,並不是因為它們當初就虛假,它們很真,只是過期了。

【康永-給未知戀人的愛情短信】

http://weibo.com/caikangyong

靈丹妙藥

契仔

以往契老豆一見到你

無論心情幾唔好

都會立即心情愉快笑逐顏開

但今日無論點陪你玩點陪你叫

我都只係識苦笑


希望下次再見面時

契老豆可以同你一樣天真地笑

走入愁牆愁更愁

我唔飲酒，所以無法「酒入愁腸」。

我只識用聽頹歌呢個方法嚟消愁。

用耳筒響自己四周築起一道圍牆。

感覺會安穩一點。


越來越佩服填詞人。

可以響短短幾分鐘裡面。

將歌詞「一刀插入你心」．．．

《會過去的》

《會過去的》

早知一定與你分手　最愛往往難以相廝守
愛過你之後　我怕沒然後
原來寂寞　沒有你的問候
用誰來平復也不夠　你似個最窩心的缺口

沒有這犧牲　怎可讓你我得救
每個劫數　時間會善後
以往那轟烈　漸漸會變溫柔
長年累月　就算你多念舊
明天一滴也不留
愛與痛　如昨夜喝的酒

從前共你講　不要分別　不要歸去
明明還流過一點眼淚
又再跟你相遇　跟你相對
為何完全已經能面對
最愛都會過去　都會散去
都會退去　既然難忘
為何連記得都太累
最痛都會過去　都會散去
都會退去　我們如何
仍然能活下去
往事　就像是一道橋
你我　會過去的　情懷不會倒退

得到過　什麼
也要放下　什麼
即使你與我　苦或甜　有幾多

失去　什麼
誰能留戀什麼　太多
當天你說你會最愛我　他朝好好想清楚
只怕沒那麼多

從前共你講　不要分別　不要歸去
明明還流過一點眼淚
又再跟你相遇　跟你相對
為何完全已經能面對
最愛都會過去　都會散去
都會退去　既然難忘
為何連記得都太累
最痛都會過去　都會散去
都會退去　我們如何
仍然能活下去
往事　就像是一道橋
你與我　會過去的　情懷不會倒退

愛與恨　就像列車夜行
過去　會過去的
當天　你與我怎樣重視過誰和誰
在年月快線裡　都給壓碎

《擇日失戀》

《擇日失戀》

歌手：吳浩康

作曲：林健華
填詞：黃偉文
編曲：周初晨

無暇抱怨 無暇悼念 日子兵慌馬亂
擇日失眠 亦別要揀這三數天
為何你會 前來道別 是否一種考驗
擇日再講 但願你當作行善

別叫我工作裏顯出了弱點
同僚問起 我幹嗎這麼黑臉

# 假使你也方便 選一週最後那天
不想與我糾纏 也懇請撐到那天 woo hoo
因今天 恐怕要 工作到 特別夜 沒法見
想哭兩秒都怕要到深宵三點
才能抽空心酸

何時歎氣 何時落淚 如若得真太亂
現在很忙 擇日再失戀兼訴冤
為何發覺 從來都未 約好終點出現
熱淚間中 滴在那報告前面
別要我工作裏顯出那弱點
同僚望到我眼淺該怎麼算 #

何日何地 情盡情斷 亦得好好生存
就怕淚腺 突發叛變 要扮作下去 抽一口煙

崩潰我有經驗 選一週最後那天
得不到你可憐 也得到休假半天 woo woh

這幾天 恐怕要 工作到 特別夜 沒法轉
想哭兩秒都怕要到深宵三點
才能抽空心酸

講分手要在哪天? woo
我都需要預約先
這幾天 恐怕要 工作到 特別夜 沒法轉
想哭兩秒都怕要到深宵三點
行刑可否改天?

抬頭吧 相信愛你便能飛

陳奕迅《今日》

今日事情如不順　今日問題如不盡
像處圈中圈　了斷也了不斷
若今日你倦了頹然哭　容許我送贈暖
准我漫漫長路末端亦如初戀

當日熱情燃不盡　今日熱情仍不盡
就算怎都好　你願我更加願
共跨盡冷及暖甜和酸　才可以算是共存
能共患難才是認真的有緣

抬頭吧　相信愛你便能飛
敢交出你會創出傳奇
變幻人生是避無可避
卻沒人可驅使愛別離（這份情愛卻永不會死）

抬頭吧　黑暗過會是晨曦
懷著樂觀總有轉機
今天珍惜今天　逢凝望我心所愛的你
我已彷彿會飛（能敖翔天和地）

我已彷彿會飛　你眼睛牽我飛

今日像明日一樣　今日任何日一樣
就算怎辛酸　愛護你我甘願
沒揀擇冷或暖甜和酸　晴天雨季缺或圓
全部受落才是活得真正全

抬頭吧　相信愛你便能飛
敢交出你會創出傳奇
變幻人生是避無可避
卻沒人可驅使愛別離（這份情愛卻永不會死）

抬頭吧　黑暗過會是晨曦
懷著樂觀總有轉機
今天珍惜今天　逢凝望我心所愛的你
我已彷彿會飛（能敖翔天和地）

我已彷彿會飛　你眼睛牽我飛

初一

隨住年紀漸長，農曆年成為我最鍾意嘅節日。


以前，會因為怕人多怕見人而唔鍾意新年。

近年，會因為一家人仲可以齊齊整整坐埋一齊食餐飯而感到開心。

仲要一日食兩餐，傾偈可以笑到喊。。


快樂，其實可以好簡單。

唔老黎

前幾日公司有兩個茂利負責佈置 office 到處貼揮春。

茂利甲問我想要邊款，我話要「百無禁忌」。

結果茂利乙響我檯頭貼咗張「萬事如意」。


自此，諸事不順咗幾日。

於是，我谷鬼氣搣咗佢。


之後順返晒。

你都咪話唔邪！

懶醒

跟妳言歸於好。


妳說：贈你八個字。


（我想：精誠所至、金石為開？）


妳說：早知今日，何必當初。


我：．．．．．．

凡夫

一個人，很簡單。

兩個人，就變得複雜。


我希望所有事都簡簡單單。

簡單得甚麼也不用太複雜。


我希望我可以簡簡單單的活。

思想簡單，行為簡單。


簡單點說。

就是不需用腦。

隨心而行。


若真能做到這樣。

其實已經不簡單。

沒有兩全其美

我為重拾自我而感到高興。

但同時卻又因失去了妳而不快樂．．．

潛意識

人嘅腦有時好討厭。

討厭在經常響唔恰當嘅時候浮現出一啲好適當嘅記憶。


就好似呢兩日我忽然間醒起有呢首歌．．．


楊千嬅《ＭＲ》

為何除掉那顆痣 又拼命買新的襯衣
不須要故意著緊 自動每天call幾次

要是環遊全宇宙 總有個更加好
但你令我超級快樂

請你必須要有自信
你現有一切 無謂變動

不必加班去贈我鈔票 不必溫書去入劍橋
不必飛車去讓我心跳 毫不重要

你想我喜歡你 甚麼也別要改
從來無人嫌你這樣 你這樣才像你

誰曾拿著你講笑 話你用處真的太少
可想過你那弱點 就是我剛剛想要

要是求財雄勢大 總有個更加好
但你令我超級快樂

雖說他長相那樣美
你別太小器 隨便退避

不必加班去贈我鈔票 不必溫書去入劍橋
不必飛車去讓我心跳 毫不重要

你想我喜歡你 甚麼也別要改
從來無人嫌你這樣 你這樣才像你

不必加班去贈我鈔票 不必溫書去入劍橋
不必飛車去讓我心跳 毫不重要

已經夠喜歡你 甚麼也沒缺少
從來無人嫌你這樣 你這樣才像你

怕你變了 尋遍世上 再也沒人像你

2012/01/01

2012年的日出。

這個每早也看到的畫面。

這個早已沒有甚麼感覺的風景。

從今天起再次變得很美。

懂得重新欣賞這一幕。

全因身邊有妳一同分享。

未來的一年，將會是美好的、幸福的一年。

一切很美只因有妳。

貳零壹壹

回想二零一一的首十個月，家庭、愛情、事業等都好像沒有甚麼特別的事發生過。

若然把 BLOG 重看一遍，也許總能找到一兩件事值得重提。

但又確實沒有這個必要。


今年內最精彩的，全都發生在最後兩個月。


事業方面，獲得了一個晉升的機會。

正所謂「出得嚟行預咗要還」。

所有的工作也像堆在最後的兩個月才出現。

以往清閒得可以全職寫 BLOG 的日子一下子消失了。

忙得連坐下喝一口水的時間也沒有。

人雖然忙，但忙得快樂。

日子，變得有意義。


愛情，遇上了「命中注定」的那一位。

怎也沒想到，會在這裡認識了這麼重要的一個人。

十一月相識，十二月開始。

然後在短短的一個月內，經歷了悲歡離合。

最終也因為相愛而再走在一起守得雲開。

那種喜悅，是從未有過的強烈。

妳的出現，為我那黑白灰的世界帶來一度彩虹。

日子，變得不一樣。


人生，終於不枉過。

平安平安夜

上年的平安夜怎麼過？

忘記了。

應該是待在家打機看戲吧。

感覺很不安。


今年的平安夜怎麼過？

也是待在家。

感覺很平安。


心境平靜。

是因為心靈富足。


過去兩星期，忙得抖不過氣。

但應該是二零一一年裡最快樂的兩個星期。


愛情，跨過了兩度難關，正處於最甜蜜的時期。

工作，經過一年的努力，終於有點成績和收穫。


雖然疲倦得已經忘記了甚麼叫疲倦。

但人卻不想停下來。

只想繼續前進。


蜜運中的人，總會變得不一樣。

就如我。


有了妳，世界真的變得很美！

唔得閒死亦唔得閒病

BLOG 主未死。

即將更新。


- 完 -

我，不是好人．．．

《我不是好人》

歌手：側田

作曲：側田
填詞：黃偉文
編曲：Ted Lo
監製：雷頌德

明天　一早　待夢境都散去
王子　公主　還原普通愛侶
餘生　都想一起　然而我卻心虛
怕破綻　會給檢舉

擔心我　待你好　未夠好
熱戀真面目　遲來一步
經已求完美　難像你要的好

我未夠好　你別投訴
來日我試試　可否給你更好
平庸像我正在苦惱　當我不足給你找到
我怎麼好 You are so beautiful

明知　高攀　實在攀不到老
查找　不足　重頭修改配套
誰怕　完全轉性　若你說我就做
但最後　難保　週到
擔心我　待你好　未夠好
熱戀真面目遲來一步
經已求完美　難像你要的好

我未夠好　你別投訴
明白到似你　應該得到更好
平庸像我已甚苦惱　怎去改
使你的今生更好　不要灰心得太早
我未夠好　你別投訴

如留住我　繼續效勞
定有天抵銷得到
就怕分手之後　那日還未到

我，不好愛．．．

貼切得可怕．．．

《我不好愛》

歌手：陳奕迅
作曲：Eric Kwok
填詞：黃偉文
編曲：Billy Chan

不好愛　已經造成不少傷害
別再忍耐　病情這麼危殆
沒幾多　奇蹟可昐待
在世間　千萬人　億萬人
有一些人卻　實在不適合被寵愛

你　又美麗　又偉大　又這麼慷慨
我　被厚待　亦相當意外
給　你寵愛　這戀愛　結果倒下來
大概只是　我不好愛

我　又憤怒　又脆弱　固執不會改
怕　被冷落　卻不肯接待
給　你寵愛　這戀愛　愛不出未來
大概都是　我不好愛

不好愛　太多問題假裝不在
沒處不在　事情的不完美
是超出　受得起以外
就算你　吞下來　忍下來
有一些人卻　永遠不適合被深愛

你　又美麗　又偉大　又這麼慷慨
我　被厚待　亦相當意外
給　你寵愛　這戀愛　結果倒下來
大概只是　我不好愛

我　又憤怒　又脆弱　愛都不敢愛
怕　被冷落　卻不肯接待
當　你跟我　有一個　那麼不易愛
得你一人　越來越可愛

世界會變得很美

世界會變得很美

「請注意，入閘後及車廂內，嚴禁飲食。」

「你死咗就唔駛再阻住個地球轉」

自作自受

對你殘忍。

即是折磨我自己。

吽

越來越唔願起身返工。

唔係因為我唔鍾意我份工。

而係好多時返到公司之後都冇嘢做。


一日隨時齋坐８個半鐘。

真係唔易頂。


坐到呆呆滯滯。

到有嘢做時又已經呆到唔想做。


快快手手搞掂咩。

之後又係坐。


打算睇本書咩。

又會有啲茂利走埋嚟。


打算專心寫下 blog 咩。

又會有 call 打斷我思路。


打算出去行下咩。

一行出去就收 call 返轉頭。

甚至乎會響街撞到同事。

黑仔。


唯有繼續坐響度不斷 F5 Facebook, Blogger 同 Yahoo 即時新聞．．．

有咩分別

不是世界放棄我。

而是我放棄這個世界。

2011年11月的天空

每日瞓醒時影一張相。

入定

放學後響旺角食 Burger King.

循例去獨立一排嘅單丁位搵位坐。

響由左至右嘅大慨十個單丁位上面。

坐咗一個帶口罩嘅男人。

佢眼望前方。

響佢眼前嘅係一幅牆，牆上有鏡。

佢同鏡嘅距離大慨只有２０公分左右。


我響佢相隔三個位之外坐低。

留意到佢冇買嘢食，或者係已經食完。


我一路食一路間中就望下佢。

響１５分鐘入面，佢冇郁過。

雙眼仍然向前望，眉頭冇咩動靜。


佢唔似有嘢諗。

但又似係已經愁到冇咩好諗。

響嗰一刻我真係好想入侵佢個腦睇下究竟佢有冇諗嘢。


就響我差不多食完嘅時候佢起身走人。

我一路響鏡度住佢嘅一舉一動。

因為我驚佢會響我後面經過嘅時候會無情情捅我一刀。

窒息

好熱。


雖然天氣轉涼。

但條街依然好熱。

因為人多車多。


雖然冷氣夠涼。

但地鐵車廂依然好熱。

因為人太多。

我都唔知自己係吸緊氧氣定吸緊人哋呼出嚟嘅二氧化碳。


可唔可以少啲人？

包括我。

典型非典型

轉載 Facebook: https://www.facebook.com/media/set/?set=a.311853278832475.82072.100000234174742&type=3

【給巨蟹座的1封信】

逃避是他們的習慣。
他們對自己渴望的東西，總是先退到一邊，似乎毫不關心，然後突然撲上去。他們沒有很強的適應能力，卻有天生的領悟力。
他們以自我為中心，懂得自我保護。
他們最害怕孤獨，但又注定了孤獨。
有很多秘密，把真實的自己藏於夜半的寂靜和午間笑聲的明朗中。
巨蟹經常會說“我覺得”“我想”，他喜歡用敏銳的第六感來表達想法和感情。
不喜歡複雜的環境，他喜歡呆在安靜的地方做他喜歡的事。
喜歡跟志同道合的人組成一個小圈子自娛自樂。
巨蟹座善良體貼，不計較，會細心的記住好朋友的生日。
或許多愁善感，但仍然會在最難過時給你微笑.

巨蟹是十二星座中最為戀家的星座。
他們是現代的模範伴侶，他們無論走到哪裡都不會忘記家裡有人在等著自己。遇到巨蟹座的戀人是最大的幸福。
巨蟹是一個很感性的星座，一旦陷入愛情就會想要時時刻刻跟對方黏在一起。所以對癡情的巨蟹來說，每次結束一段感情都是最痛苦的經歷。

巨蟹天生悲觀，脾氣古怪，會突然爬進保護性的殼裡。
在受傷後他很少反擊，只會放棄。逃避是他的習慣。
他很念舊，喜歡舊東西。
他最注重的就是安全感，希望被保護卻常常是一個人。
他希望有屬於自己的空間，喜歡獨處。

巨蟹不喜歡受別人限制。他不喜歡任何東西過於圓滿，對他來說有缺陷的人生才是完美的，缺陷是靈魂的出口。
他的快樂都是微小的事，比如看見一隻小貓或小狗，收拾乾淨自己的家，看著在花瓶裡有水珠的香水百合。
很多巨蟹喜歡顧影自憐喜歡自己舔傷口，他心裡想什麼從來不說別人也猜不到。

巨蟹座的人有包容心，一般不會為了一點芝麻小事而耿耿於懷。
具有容人的雅量，很少拒人於千里之外。
再加上其有禮貌，善交際，富幽默感之迷人個性及對人道主義的尊崇會有許多朋友。
事實上巨蟹座的人經常會在強悍的外表下，隱藏著一顆柔弱的內心他就像這星座的表徵－－螃蟹。

巨蟹總說著無所謂的話，喜歡瞎想。尤其是讓人流淚的情節。
巨蟹夏天露出皮膚時，厭惡被陌生人觸碰。在公車上最為顯著。
巨蟹討厭裝的人，但有時候自己也不得不裝，還裝得挺真的。
巨蟹笑起來完全不顧形象，任憑周圍怪異的眼光也不會收斂。
巨蟹的心思很簡單不喜歡勾心鬥角。

推窄

期待已久。

諗住拉闊一下。

點知好失望．．．

好嬲定好笑

每次無聊時都會玩一隻 iPhone game.

舊紀錄已經保持咗幾個月。

無論我集中精神認真玩抑或心不在焉 hea 住玩。

始終都係破唔到紀錄。


就響我最神不守舍情緒低落嘅呢一晚。

偏偏成功了．．．


真諷刺。

頭獎

今朝攞衫時抬頭一望發現呢把嘢。

應該係裝修師傅留低。

兩味

原來 葡撻 都有分 蛋白 同 蛋黃。

神啊！救救我！

有個朋友響 Facebook post 咗以下嘅呢段說話。


應該退消了 肚子由零晨4點痛到剛剛7點
太痛睡不著 心裡一直祈禱求神醫治及哼起一些詩歌
感謝主剛剛嘔吐了一次 現在好好多了
希望弟兄姊妹為我祈禱 雖然看了醫生
但心裡一直覺得神才是最好的醫生


我從來唔反對人有宗教信仰。

但我亦從來唔欣賞一啲過度沉迷於宗教信仰嘅人。


「感謝主剛剛嘔吐了一次」？

聽完我真係想嘔。

同埋扮神醫應該都真係可以呃到下餐飯食。


回帶：感謝神？

真實謊言

早前睇過一個時事節目，講小朋友患有「兔唇」。

唔同嘅家長有唔同嘅方法教小朋友去面對。

其中一個家長嘅方法係同佢個小朋友講。

「你好特別。你呢個缺憾係天使帶俾你嘅。係美好嘅。係靚嘅。」


老實講，我完全唔 buy 呢一種方法。

小朋友，你真係可能呃到佢幾年。

幾年之後佢就要帶住呢個謊言去面對現實。

面對佢係因為有缺憾而所以「特別」嘅殘酷現實。

「特別」多俾人望，「特別」多俾人講。

我雖然無「兔唇」，但我經歷過類似情況。


又睇過另一個節目講智障兒童。

好記得有個媽媽盡心盡力咁照顧同教導佢個小朋友。

希望佢將來過身之後佢個仔可以自己照顧自己。

響節目入面佢講咗句。

「命無得改，但運可以變．．．」


現實係過份現實地殘酷。

何必要搵塊糖衣去將佢包住？

悲不起來

原來當我過著快樂的日子。

我會想不出甚麼東西來寫．．．

沒那種命

陳小春《沒那種命》

我沒那種命呀　輪也不會輪到我
愛情老是缺貨　我爭什麼



你說。

對你來說，跟我相識已經是一個童話。

現實太殘酷。

你會接受現實，但會選擇童話。


我說。

這個世界存在童話，但我知道現實是我一向沒有那麼幸運。

所以我不相信童話，我選擇接受現實。



今天。

我發現，我錯了。

原來上天並不是將一個童話帶給你。

而是帶給我．．．

悲劇由醫院開始

屯門醫院發生初生嬰兒因為打針損及動脈、需要截肢的事件。食物及衛生局局長周一嶽指情況罕見，近兩日才知道事件，要求醫院盡快向家屬交待清楚。

報道指，上月一名產婦早產誕下雙胞胎，醫生為兩名嬰兒插喉注射營養液，其中一名男嬰，打在右腹股溝靜脈的注射針，觸及鄰近的動脈，導致動脈血管閉塞，最終要截肢，切除右腳。


一出世就已經要面對呢啲事。

只能慨嘆佢命苦。

仲要係喺冇得選擇之下俾人「啤」咗出嚟再因人為疏忽而受到傷害。

更可悲嘅可能係佢只不過係一次歡愉之後嘅「意外」產品。



每個 BB 一出世之後都會喊。

無論係自然喊又好定俾個惡死姑娘打籮柚打到喊又好。

都係喊嚟到世上嘅悲哀．．．

離乜譜

話說尋晚去食晚飯途中。

我老豆一路揸車一路響我親戚一家面前批評我邊行街邊撳電話。

話好危險，會出事云云。

算。

我認衰。


之後佢忽然醒起佢部電話有啲事叫我幫佢睇睇。

我 check 過無問題之後佢唔信，要自己檢查一次。

揸緊車就一手拎住部電話嚟撳。

我即時火都嚟：你啱啱先話完我，你自己咪又係一樣！

老豆：點同？

我：咩唔同？你仲危險啦！
　　一家大細一車人一鑊熟呀！

正當我打算搶佢電話之際，一把平和嘅聲音由後座傳嚟。

親戚：晶，算啦～
　　　你永遠無得同佢拗，因為佢係你老豆。
　　　接受現實吧～





我係唔會屈服嘅！

頂你唔順

老豆生日，６０大壽。


傍晚六點左右，老豆其中一個朋友 whatsapp 我。

友：一陣同你老豆去WHERE慶祝?

我：食茶餐廳。

友：唔係呀?60 WOW

我：係呀。
　　你知佢乜 Q 都話唔駛架啦。
　　搞得大仲要俾佢窒。

友：HAHAHAA

我：不過今晚係同親戚一齊食。之後買個蛋糕囉。


一切按計劃進行。


晚飯中途我同亞媽講。

我：今日老豆生日啲同事同佢出去飲茶。
　　買咗個寫住「６０大壽」嘅蛋糕俾佢。
　（有人 whatsapp 我)

我亞媽都未嚟得及回我，我老豆已經講。

爸：啲友仔，往年都係去飲茶之後叫一打壽包食。
　　今年無端端整個蛋糕，明知我唔鍾意搞咁多嘢架啦。
　　搞到俾我話。


問心嗰句丫！

你其實咪又係開心。

真係好鬼煩。

諷刺

尋日聽見呢單新聞．．．


湖南新邵縣房屋坍塌導致10死12傷

新華社報道，湖南省新邵縣有房屋坍塌，造成十人死亡，十二人受傷。事發在昨晚七時許，村民正在辦理一個老人的喪禮，房屋突然倒塌，現場二十二名村民被掩埋。當局展開救援，新邵縣官方說，八人當場死亡，另外兩名重傷者，送院後延至今早不治。當局已經完成清理，正在調查事件原因。

慘不忍睹

坐小巴返工，朝早八點。

隔離坐咗一個外籍傭工，抱住一個小妹妹。

人細細，手細細，衫細細，書包細細。

表情呆呆滯滯。

我諗佢應該三歲左右。

一舊飯咁，好多嘢未識。

就要朝朝咁早起身返學。


我搖搖頭。


童年，唔應該係咁過．．．

點睇都係死

朋友響 Facebook 上留言：

「沒有最壞　只有更壞」


見到呢啲咁消極嘅說話我就梗係「讚」啦！


無耐就有個正面人士出現兼講句：

「沒有最好，只有更好！
　希望在明天。加油啊！」


睇完之後我個心寒一寒。

如果個個老闆都有「沒有最好　只有更好」呢個觀念。

就真係「明天沒有希望」了．．．

唔襯

每次有同事見我拎住隻私家杯都會講同一句說話。

「咦？！亞晶，乜隻杯係你架？睇唔出喎！」


我心諗：用咩杯有樣睇嘅咩？

能醫不自醫

作為一名（自認）專業嘅 IT Support, 我可以解決好多人嘅電腦問題。

但偏偏我自己屋企嗰兩部機就玩到我透。


先講我部 notebook.

今晚響度清理電腦垃圾時發現有兩個 files 無論我用咩方法都開唔到、改唔到、delete 唔到。

最後唯有放棄。

等到直至 format 部機嘅一日先解決。


另一部「蠱惑的 desktop」就仲搞嘢。

除非我響每廿四小時之內著一著佢，如果唔係佢就會罷工。

試過好多次唔記得開著佢超過兩日。

結果要呵要氹甚至拳打腳踢搞一大輪佢先會重新正常運作。

好有性格。

死前審判

我相信，個天安排你遇上一個人，總有其背後意思。


嗰個人。

可以係天使，可以係魔鬼。

可以令你逃出生天，可以令你萬劫不復。

可以令你變得樂觀，可以令你更為悲觀。

可以陪你一世，可以消失於一秒。


無論嗰個人對你做過啲乜。

或者你對佢做乜佢都仍然無動於衷。

一個眼神、一句說話、一啲行為都始終會響你嘅人生入面留低一啲色彩。

可能係紅橙黃綠青藍紫，又可能係黑白灰。


每個人響世上嘅存在意義可能就係要響別人嘅生活入面「搞亂檔」。

充實或拖垮另一個人。


唔到你「埋單」嗰日，你都唔可能下到定論。

遇到佢，究竟係好事定壞事。