荒廢的樂園

原來我都已經忘記咗有呢度。

隨住社交媒體嘅興起，大部分人都已經轉移陣地去 FB, IG 等等去分享自己嘅生活事。

包括我在內。

返嚟呢度望一望，先知原來差不多 3 年冇更新。

再睇吓我 follow 開嘅 BLOG, 大部分都已經荒廢。

個感覺，係有啲失落。

曾幾何時，睇 BLOG 然後留言交流。

係一件好快樂嘅事。

一年一度

原來已經有足足一年冇再返過嚟自己個 BLOG。


原來喺不知不覺間，我已經變咗唔少。


38歲。

Happy Birthday to me

咁就37歲了。

《無條件》

每次聽呢首歌都會諗起妳。

認識呢首歌。

對愛嘅了解多了一個層面。

可惜我沒機會去體現。




《無條件》陳奕迅

你何以始終不說話 儘管講出不快吧
事與冀盼有落差 請不必驚怕
我仍然會冷靜聆聽
仍然緊守於身邊 與你進退也共鳴

時日會蔓延再蔓延 某些不可改變的改變
與一些不要發現的發現 就這麼放大了缺點
來讓我問誰可決定 那些東西叫作完美至善
我只懂得 愛你在每天

當潮流愛新鮮 當旁人愛標籤
幸得伴著你我 是窩心的自然
當閒言再尖酸 給他妒忌多點
因世上的至愛 是不計較條件
誰又可清楚看見

美難免總有些缺憾 若果不甘心去問
問到最尾叫內心 也長出裂痕
笑何妨與你又重溫
仍然我說我慶幸 你永遠勝過別人

期待美沒完愛沒完 放開不必打算的打算
作一些可以約定的約定 就抱緊以後每一天
其實你定然都發現 我有很多未達完美事情
我只懂得 再努力每天

當潮流愛新鮮 當旁人愛標籤
幸得伴著你我 是窩心的自然
當閒言再尖酸 給他妒忌多點
因世上的至愛 是不計較條件
誰又可清楚看見

識趣

明。

再糾纏落去只會搞核突件事。

就當冇發生過。


《沒有人》

你說有句話難開口　很喜歡跟我成為好友
你卻沒有　故意偷偷碰撞我的手

原來沒有　從來都沒有
教我緊張得心跳這麼久
到了這一刻終於望通透
其實愛情來過　半分鐘也沒有

世俗的樂觀

「起碼你約佢食飯佢肯去」

「起碼佢肯俾電話號碼你」

「起碼佢會覆你」

朋友話。

佢應該知我意思。

應該有機會。

點解作為當事人嘅我。

對呢啲「起碼」感覺唔到半點希望。

是我也可以是他

對方一向只作有限度回應。


朋友提議。

發動攻勢。

積極約人。


我只係諗。

如果奏效。

究竟佢係鍾意我呢個人。

定只係鍾意一個對佢好嘅追求者。

愛真的需要勇氣

唔止一個朋友問。

點解我今次咁猶豫不決。

以前「心口掛個勇字」就去示愛嘅我去咗邊。


我覺得。

以前所謂嘅勇氣。

其實只係一啲魯莽嘅行為。

「判刑式」「博一博」嘅示愛方式。

唔應該再出現喺一個三十幾歲嘅人身上。


當然。

改變不一定係好。


審慎。

換嚟嘅係綁手綁腳停滯不前。


但。

我唔想再錯。

他

如果。

妳心裡面真的有一個「不可能」的他。

我應該介意嗎？

悲情觀

唔知由幾時開始咁諗。


唔係要搵一個靚嘅，而係要搵一個順眼而又願意望住佢一世嘅。

唔係要發掘到底佢有幾多優點， 而係要睇可以接受到佢幾多缺點。

瑣碎事

發恔憎。

靜電。

間尺敲頭。

《兄妹》

《愛很簡單》

她

遇到一個同年輕時定下嘅擇偶條件符合嘅人喺二十年後出現。

唔係興奮得手舞足蹈，而係緊張得不知所措。


最特別嘅係。

佢有戴我鍾情嘅玉鈪。


（舊文：擇偶條件）

20150226

認識半年。

沒任何進展。

習慣

當有啲嘢你唔做一排。

慢慢就會變成習慣唔會做。

甚至忘記。


有段時間。

我已經唔記得有呢個 blog 嘅存在。

《Hector and the Search for Happiness》

1. Making comparisons can spoil your happiness
2. Happiness often comes when least expected
3. Many people only see happiness in their future
4. Many people think happiness comes from having more power or more money
5. Sometimes happiness is not knowing the whole story
6. Happiness is a long walk in beautiful, unfamiliar mountains
7. It's a mistake to think that happiness is the goal
8. Happiness is being with the people you love; unhappiness is being separated from the people you love
9. Happiness is knowing that your family lacks for nothing
10. Happiness is doing a job you love
11. Happiness is having a home and a garden of your own
12. It's harder to be happy in a country run by bad people
13. Happiness is feeling useful to others
14. Happiness is to be loved for exactly who you are (People are kinder to a child who smiles)
15. Happiness comes when you feel truly alive
16. Happiness is knowing how to celebrate
17. Happiness is caring about the happiness of those you love
18. Happiness is not attaching too much importance to what other people think
19. The sun and the sea make everybody happy
20. Happiness is a certain way of seeing things
21. Rivalry poisons happiness
22. Women care more than men about making others happy
23. Happiness means making sure that those around you are happy

單身情人節

早前同朋友食飯唔知傾開乜嘢我隨口講咗句。

「無拍拖兩年幾都慣啦！」

朋友即回。

「係你自己唔拍啫，都唔知你逃避啲乜。」


係囉！逃避咩呢？


逃避被傷害。

更加係逃避傷害人。

《單身男女2》

呢套戲喺情人節前夕出碟，我覺得電影公司係特登嘅。

加入咗兩個角色之下，套戲已經唔係再圍繞住嗰三個人。

張申然、程子欣、方啟宏。

所以套戲已經變得唔好睇。

片長113分鐘。

我嘅注意力大概只係放喺張申然同程子欣之間斷斷續續嘅30分鐘。

始終吸引我嘅只係呢兩個人之間嘅一段關係。

甚至唔關方啟宏事。

程子欣揀張申然，係最應該同最合理嘅事。

承諾

要記得自己應承過自己啲乜。

• 唔食回頭草
• 唔揀網上識嘅
• 唔知呢個 BLOG 嘅存在

《耿耿於懷》十年《念念不忘》

無意中聽到呢首歌，喜歡得不得了。

一聽就聽足一星期。

每日聽，一日聽幾十次。

中毒。


然後，好多往事湧上心頭。

同時，心情都差足一星期。


我可以忘記妳嗎？

麥浚龍《念念不忘》

作曲：伍樂城
填詞：黃偉文

十年又過去　舉止仍像少女
你跟我每夜仍聚聚　到夢裡追
贈你哈囉吉蒂那玩具　這天早變作　茉莉香水
你的笑　卻是照舊和煦

留在你漫畫書裡　當初那美麗神仙伴侶
就像那青春洪水　現在已經不可能追

那故事倉猝結束　不到氣絕便已安葬
教兩人心裡有道　不解的咒沒法釋放
讓我們打聽對方　今天過得一切平安
縱使相見已是路人茫茫　臉書等愛侶入睡卻偷看

自離別剎那　今生停頓了嗎
縱使我最後曾認命　邂逅了她
但信一天總會再遇吧　我想聽你說　別喜歡她
你跟我　以後抱著回家

其實你是一幅畫　狠狠往這舊人心上掛
現實過得不順嗎　定定望向這畫中曇花

那故事倉猝結束　不到氣絕便已安葬
教兩人心裡有道　不解的咒沒法釋放
讓我們打聽對方　今天過得一切平安
縱使相見已是路人茫茫　記憶中你仍像初戀好看

吻過二十年還未寒　離去六十年仍熱燙
共你就似被舊情下了降　像下了降　每晚都想起對方

誰亦會講　假使那樣懷念　必會再次有迴光
其實只要　讓我耿耿某人　思憶早閃閃發光
個個也探問愛戀不老的秘方　唯獨壯烈離座　可百世流芳
你未忘　我未忘　猶勝伴在旁

那故事倉猝結束　不到氣絕便已安葬
才成就心裡那道　不解的咒沒法釋放
讓我們打聽對方　天天過得一切平安
縱使相見已是路人茫茫　這生恐怕會念念你不放

流連著不想過對岸

《等一個人咖啡》

期待咗一段時間嘅戲。

估唔到某啲位會令我流淚。

更估唔到嘅係我仍然會流淚。

媽，生日快樂！

媽，六十一歲了。

假期的意義

假期，係俾人身心休息。

但依家嘅我放假，最多只能俾到身體休息回復體力。

個腦，仍然都係全部塞滿工作嘅嘢。

唔想，但不受控。


我，想抖抖．．．

2015年要做的事

做 2014 年未完成嘅。

2014年要做的事（埋單）

1/. 變瘦（唔係減肥，而係變瘦）

－失敗

2/. 睇書（每晚睇）

－冇每晚睇，但長期有閱讀。

3/. 進修（考返啲證書呀學位之類）

－完全冇行動過。

4/. 每星期入戲院睇戲（至少一次）

－變咗每月一至兩次，其實都冇咁多好戲值得個個星期都入場。

5/. 揸車（有牌十年但未揸過）

－完全冇行動過。

6/. 轉工（暫定四月）

－達成，變為自僱人士。

7/. 繼續一年去三次旅行（暫定四月沖繩，八月富士山，十月新加坡）

－八月之行被取消，結果去得兩次。

8/. 不再自閉（多約朋友行街睇戲食飯聯誼）

－達成一半。

9/. 紋身（紋一個字或一個符號，紋喺父母唔容易見到嘅地方）

－完全冇行動過，因為未變瘦。

10/. 每日影一張相（時間係起身嗰一刻，影嘅係窗外）

－達成（不過間中有一兩日會忘記）

11/. 搵個女朋友（長遠交往終身伴侶嗰種）

－完全冇行動過。

12/. 學射擊

－睇過課程時間表，之後完全冇行動過。

13/. 學書法

－完全忘記咗。

14/. 學影相

－完全冇行動過。

15/. 學聽黑膠碟

－完全冇行動過，不過識咗個「黑膠」人。

16/. 認識咖啡。

－完全冇行動過。

17/. 認識酒精。

－完全忘記咗。

懶

好多嘢想寫。

但一坐底喺電腦前面。

又想攤返上床。

他的女人

眼前一亮。

想問你，她是誰。

幸好沒有。

因為再遇時，你宣布她是你女友。

視而不見

或者係因為家境好。

所以就算你幾努力。

其他人都係睇唔到。

好久不見

在街上巧遇妳。

大概也有三年沒有見面了吧。


那年因旅行而認識。

旅行後約會過兩三次。

也許我們是有機會可以發展的。

我想。


後來，我放棄了。


今天看見妳。

成熟了，漂亮了。


寒暄兩句。

然後各自向另一個方向繼續前進。


忘了跟妳說恭喜，因妳即將結婚了。

也不方便跟妳說，我確實有點後悔。


碰面前，見面後。

耳機一直播著陳奕迅的《好久不見》。

因我今早剛巧設定了只播這首歌。


天意。


陳奕迅《好久不見》

你會不會忽然的出現　在街角的咖啡店
我會帶著笑臉　揮手寒喧　和你　坐著聊聊天
我多麼想和你見一面　看看你最近改變
不再去說從前　只是寒喧
對你說一句　只是說一句
好久不見

聶永真《不妥》

我。

真的有點 。

不妥。


看這本書的時候。

彷彿看到以前的自己。

不是說我有那種文字、文學修養。

而是那種思想、那種思考方式。


然後。

我想。

那個我去哪了？

空間

與友人們食飯，席間傾到買樓。


我話：我都曾經諗過搬，想多啲私人空間。

友冷笑說：你間房大過我個廳，你學咩人講要多啲空間？

我答：唔係講居住地方嘅大小，而係生活上嘅自由度，心靈上嘅空間。曾經喺外國長時間生活，我到依家都希望有機會再一個人住。同父母住，有好有唔好。但私人空間先係我渴求嘅嘢，即使住嘅地方唔再係依家咁舒適。

友再無講咩。


幸好。

我仲有呢度。

一時衝動創業

毅然辭職，開公司。

就咁樣，我做咗老闆。


諗公司名，係一件難事。


有一日我忽然醒起我老豆喺我辭職之後同我講過嘅一番說話。

「你呢次嘅決定，老豆唔知係好事定壞事。希望你自己諗清楚，唔好係一時衝動。」


然後我反覆咁諗，得出嘅結論係我今次創業嘅決定的確帶點衝動。


於是。

我將我公司命名為「時創」。

三十有五

三十五歲了。

該認真做點事。


多謝好友自家制的生日蛋糕。

遺憾

上個月出席一個長輩嘅喪禮。

呢位長輩嘅太太已經離世，有三個仔女。

大女、大仔未婚，細仔已婚未有子女。

當晚，我坐我老豆隔離。


儀式去到長子對各位來賓講佢父親嘅生平時。

我彷彿見到將來嘅自己。

然後我喺度諗。

當有朝一日我企喺出面嘅時候我要同我會講啲咩。


如果現況不變。

我會講我老豆呢世嘅唯一遺憾可能就係見唔到自己個仔結婚同抱孫。

然後我又諗到。

我亞媽都可能有同一個遺憾。


我，做唔出咁殘忍。


忽然覺得如果自己有能力令父母開心嘅話其實就好應該去做。


經常聽到我話唔結婚同唔要下一代嘅朋友聽見我改變諗法之後都會問。

咁大犧牲？

我話我都已經計唔到父母為我呢個衰仔犧牲咗幾多。

而且本身我都唔係太抗拒嘅其實都唔算咩犧牲之類。


就係咁。

我決定扚起心肝搵個女朋友。

適合嘅話就結婚生仔。

六月

六月。

休息。


頭十幾日。

每日運動，吃得健康，睡得跑。

像重生。


十幾日後，世界盃開始。

日夜顛倒，垃圾食物填滿肚。

像行屍。


廿八號。

同父母出門旅行，對上一次係 2001 年。

旅途愉快。

像乖仔。


六月。

就這樣完了。

告一段落

終於嚟到離職嘅日子。

話無唔捨得就假嘅。

同一班人一齊工作咗三年半。

又點可能無感情無感覺。


爸曾經提醒過我叫我唔好因一時衝動而辭職。

當時我梗係否認兼話考慮得好清楚云云。

但隨住日子一日一日咁過。

我的確係有對我當初嘅決定同決心有啲動搖。


已經無得返轉頭。

唯有繼續向前走。

近在咫尺

好少喺屋企附近行。

忽然發現。

其實駛乜去沖繩。

蔡康永 Instagram 轉載

再見女神

留意咗人都應該有兩年。


終於喺離職前有機會同佢响工作上有接觸。


原本諗住自己即將離開公司。

就算接觸到都無意思。

打算放棄呢個機會。


但朋友話反正都走。

接觸一下無損失。

即使第一次亦係最後一次。

又何妨。


於是。

我做咗一件蠢事。


總算。

有個完結。

跑

鞋都買埋。

唔知今次可以堅持幾耐呢。

I am ...

I'm a good person but I'm not a nice one.

《SHERLOCK》

繼 HOUSE 之後，我又愛上另一個「癲佬」。

契仔三歲生日會

Can I have your shirt please?

經典廣告。

《美滿人生》

陳奕迅《美滿人生》

接過吻的敬禮　見過最美的玫瑰　更試過失去再得到那種快慰

有最冷的雨季　也有最暖的盛世　更有抱不到放得開的智慧

甜蜜過　開過心　不必一切圓滿

能合格　早已經　意足心滿

有確信的信仰　有眼界去夢想　也有去不到卻很希冀的去向

要笑有方法笑　要奮鬥有目標　已有這一切也都真正需要

期望過　都有了　Perfect Life　Perfect Life　Perfect Life

九唔搭八

打去入境處幫父母問點樣搞特區護照續期。


入境處職員：你好！請問你有咩要詢問呢？

我：我想問下點樣幫特區護照續期。我去政府一站通見到只有「申請」冇「續期」喎。

入：係呀，依家冇「續期」，叫「申請」。

我：下？咁即係重新「申請」？

入：唔係，都係「續期」。你「renew」嘛，咪「申請」囉。

我：得！唔該。我冇嘢問。

時代唔同

以前啲人拍拖攬住嘅時候多數都會合埋眼感受嗰一刻嘅甜蜜。


依家嘅新一代係攬住各自玩電話。

《一個複雜故事》

其實我好鍾意睇張學友做戲。

留名

早前參加咗一個攝影活動。

最近主辦單位搞咗個展覽同印製咗一本攝影集。

我影嘅三張相有其中兩張都有收錄在內。


拎住本攝影集嘅時候覺得自己為保留香港嘅歷史出咗少少力而忽然有啲感觸。

《戀戰沖繩》

掛念沖繩。

於是睇套戲來止癢。

給老闆的手信

長假期後覆工嘅第一日。

我送咗份厚禮俾我老細。


辭職信。

反差

由瞓醒一刻開始掛念沖繩。

到中午出街同強國人迫。

再整碗地道魚蛋併牛腩河。

成個人即刻回歸現實。


聽日又要返工．．．

旅行的意義

我說過，我不會再一個人去旅行。

因為，孤獨夠了。



由於表弟在沖繩舉行婚禮，所以我今年的第一趟旅行，真的不再一個人。

跟別人一起旅行，感覺真的很不同。

最大的分別在於，發生任何事也有身邊人一同分享。


人，不應該是孤獨一人的。



不過在旅程的後期，我還是抽了一些時間獨處。

一個人坐在沙灘望海。

一個人坐交通工具接近一下當地人。


獨處，也可以很享受的。



沖繩，比我預期的美麗得多。

美麗得，我望著大海就髒話；因為太震撼。

美麗得，連我也有結婚的衝動；雖然這失常只維持了五分鐘。



《戀戰沖繩》的沙灘、酒店。

還有哥哥及王菲身處過的咖啡店。



這趟旅程，我感受到甚麼叫歡樂。

無比的快樂。

2014年要做的事（四）

16/. 認識咖啡。

17/. 認識酒精。

決心

踏入 2014 年已經兩個月。

15 樣要做嘅事只係做到以下四樣：


4/. 每星期入戲院睇戲（至少一次）

8/. 不再自閉（多約朋友行街睇戲食飯聯誼）

10/. 每日影一張相（時間係起身嗰一刻，影嘅係窗外）

14/. 學影相


要加把勁。

我信我做到。

如果

網上見到一張圖。

於是我又有感而發寫一段。

一個女人如果肯：

1. 唔問我 Facebook 密碼

2. 肯開個聯名戶口

3. 唔會偷睇我手機

4. 夏天熱辣辣都肯俾我拖

5. 唔會成日聽唔到電話響

6. 可以靜少少

7. 唔話我班兄弟係豬朋狗友

8. 唔會明知我攰都迫我陪佢行街

9. 唔會迫我合照

咁，或者我會考慮結婚。

玩命

如果有機會，我絕對會試。


Rooftopping 這個活動向來都是玩命的行為，不過總會有些人樂此不疲。最近又有兩個俄羅斯人走到了世界第二高大樓：興建中的上海中心大廈的最高點，而且沒有使用任何安全裝備，拍攝了令人冷汗直冒的影片。

這兩個俄羅斯人 Vitaliy Raskalov 和 Vadim Makhorov 膽生毛，去了上海中心大廈玩 Rooftop，因為上海中心大廈仍然在興建當中，所以他們更走上了工程用的起重機上，在最高點俯瞰整個上海（可惜空氣污染嚴重，能見度很低）。最可怕的是他們完全是徒手爬上起重機，沒有任何例如繩索或者安全帶之類的設備，一旦失足就肯定玩完，650 米可不是開玩笑。

至於他們是怎樣走到哪裡，他們解釋，是在農曆新年的時候，當所有工人都回家團聚，就趁著這個空檔潛入地盤，走到最高點。在那裡他們拍攝了不少照片，亦有使用第一身攝錄機讓大家感受玩命的感覺。這樣的行為當然很受爭議，如果真的有意外除了他們喪命，也會帶來其他人的麻煩。今次他們無事歸來，如果沒有畏高症的話，可以看看下面的製作特輯，感受一下。

酒後吐真言

春茗。

兩個同事飲醉酒。


同事一。

每次食飯都會自隊。

對於佢酒後嘅行徑我已經見慣。

平時沈默寡言，醉後口沬橫飛。

而且會變咗一部錄音機，不斷重複相同嘅說話。

尚可接受。


同事二。

第一次見佢飲醉。

可能平時做人壓力太大。

醉後不斷搵人訴苦同道歉。

不斷向人懺悔同叫人唔好怪佢之類。

最怕呢類人。

真係想一鎚打暈佢。


我唔飲酒。

一滴都唔飲。

有時都想知道自己飲醉之後究竟係點。

元宵節

初一的意義

利是同食食食。

《殭屍》

期待已久。

年三十晚。

睇《殭屍》