生而不活

晚上八點，你多數做緊咩？


尋晚八點由金鐘地鐵站過海時人頭擁擁。

今晚同一時間響北角地鐵站過海嘅情況亦係一樣。


睇得出好多人都係啱啱收工一臉倦容。

可能連晚飯都未食。

因為之後我響坑口地鐵站見到好多同車嘅人都排隊去買雞蛋仔、魚蛋、燒賣同特價壽司。


從某個角度睇生活響香港呢個繁榮嘅城市係一件幸福嘅事。

但卻正正係因為呢種繁榮而令到香港人生活響悲哀之中。


今晚，我忽然許咗個願。

我希望每個香港人都有得準時收工。