竹戰

好記得小學時作文寫「打麻雀」，老師糾正我正確寫法應該係「竹戰」。


由今年年初三開始，鍾意咗同屋企人打「大陸牌」。

齋碰唔準上、開槓即收錢。

人打唔食得一定要自摸。


「大陸牌」除咗可以打得快夠過癮之外，最好嘅就係「免傷和氣」。

因為冇咗上下家放牌扣牌互相磨擦嘅嗰個問題。


終於可以令到一響麻雀檯就嘈嘅屋企人打牌打得開開心心，一團和氣！