初二 - 開口中

我娘親係一個口直心快，思想簡單嘅人。


話說聖誕節時我舅父話農曆年時會去佢哋個叔婆度拜年。

我娘親聽見之後就講：「叔婆未死咩？」

大家當場Ｏ晒咀。

娘親補充：「咁佢好老啦嘛！」

大家都明白我娘親唔係咒佢。


尋日初一同我舅父拜年時，我舅父同我娘親講：「你叔婆過咗身喇。」

大家目瞪口呆問係幾時嘅事。

舅父：「聖誕前」


我即時諗起我亞娘嗰句開口中嘅「問候」．．．