粗口

我平時好少講粗口，唔好話粗口，連粗俗說話都少。

尤其係響女仔面前。

講得最多 (粗口／粗俗說話) o既兩個情況，一係同個 老表／兄弟 msn，一係打機o個陣。


唔知點解，可能係由細訓練到大o既關係。

好自自然然響某o的人面前講o野就可以自動 tune 到去冇粗口o個個 channel。


奇怪o既係，我依家好多時都會俾異性朋友o既一句 粗口／粗俗說話 搞到啞口無言，唔知點應對。

次次都打一個突．．．