獨處

返香港之後，幾乎冇獨處o既時間。

任何時候任何日子，我亞媽都會響我房打機，直至我話要訓覺。我亞媽腦入面冇「私人時間」「私人空間」呢回事，因為佢日日日頭都自己一個人，佢夠晒「私人時間」，唔會諗到其他人都要。

放假去街，一係同爹娘一齊，一係同女朋友一齊。

返工放工，同老豆一齊。

公幹出差o既時候，又會同同事一齊。

所以一有機會獨處，我就會好珍惜；戴起耳筒，聽住歌，完全抽離。

獨處時，我比較快樂。