空間

與友人們食飯，席間傾到買樓。


我話：我都曾經諗過搬，想多啲私人空間。

友冷笑說：你間房大過我個廳，你學咩人講要多啲空間？

我答：唔係講居住地方嘅大小，而係生活上嘅自由度，心靈上嘅空間。曾經喺外國長時間生活，我到依家都希望有機會再一個人住。同父母住，有好有唔好。但私人空間先係我渴求嘅嘢，即使住嘅地方唔再係依家咁舒適。

友再無講咩。


幸好。

我仲有呢度。