最後一次

間中就會有親戚問我妳嘅近況。

做緊乜嘢？結咗婚未？


我每次答：唔知。

啲人就會露出驚訝嘅表情。


然後我又要解釋一番我係一個唔會同前度聯絡嘅人云云。


已經過咗六年。

我真係唔知啲人會問到幾時。

而我又要答到幾時。


可能係因為妳係唯一一個我啲親戚們見過嘅前度。

又或者可能係大家一直認為我應該／會同妳會結婚。


喺 2013 年嘅最後一日。

我希望由下年開始無人會再問起妳。