公私分明

放工之後，基本上我係唔會同同事有任何聯絡。

響工作時間入面傾偈，我亦都好少過問人哋嘅私人嘢。

所以對於同事嘅私事我幾乎一無所知。

相對地，佢哋都唔多清楚我嘅嘢。


我唔八卦係主因。

其次係我亦唔方便俾其他人知我嘅家庭背景。


每次傾偈，我都係講下以前嘅嘢或者人哋嘅嘢。

甚少「現在式」嘅資訊。

全部無關痛癢。


而且每次轉職離開一間公司。

我都唔會再同「舊同事」聯絡。


所以，我只有同事。

冇朋友。