學不來

路過一間開鎖舖見到有《工聯會業餘進修中心課程》於是拎嚟望望。

發現有啲課程都幾好笑。


例如：

直覺思考學（信直覺都仲要思考？）

盲派命理（係咪需要先自廢雙目？）

前世記憶講座（有冇下世投胎講座？）

氣色實戰班（女學員上課前請先落妝？）

男女大不同（宅男宅女必修科？）

談笑風生說話技巧-自嘲技巧（呢個我可以去教）

《霧之戀》甜蜜再體驗（譚詠麟？）

戀愛心理學（戀愛心理都有得學？）


如果係免費都有啲興趣去八卦下嘅。

笑下都好。