生人勿近

好唔鍾意響返工或放工途中遇到同事。


一般嘅早上。

未返到公司之前基本上我都仍然係處於一個唔清醒嘅狀態。

帶住 headphone，與世隔絕。

好多時甚至會因為聽歌而導致心情欠佳木無表情。

但一遇到同事，就要無奈地離開呢一個我自己建立嘅小小空間。


除低 headphone，強裝笑容，夾硬迫出幾句說話寒暄一下。

何等痛苦。

相信對方都一樣係咁諗。


放工時嘅情況亦差不多。

若果遇到一個同車同路嘅一齊走。

個過程簡直係煎熬．．．