又執到

今日食晏，聽見三個亞姐響度吹水。

甲：成日嚟個鬍鬚佬好似幾好人喎。
乙：係呀！我家姐個老公好好人。我家姐執到啦。
甲：佢好似好「淋」喎。
乙：係呀！俾我家姐食到實一實。對佢好好，對我哋屋企人又好。佢執到啦。
丙：平時嚟嗰個係佢家姐個老公？好似幾好人喎。
甲：係呀！佢家姐執到啦。


原來呢個世界咁多人喺其他人眼中／口中係「執到」。

我真係好想知，幾時先到我「執到」．．．