執到

今晚響旺角行緊嘅時候聽到一個女仔講電話講咗以下嘅呢兩句說話：

「佢都話咗你肯減肥就一定同你一齊啦！大佬呀！」


聽佢嘅語氣，似係同一個姊妹傾緊電話。


我心諗，如果一個男仔會開出一個咁嘅條件，究竟佢係「偉大地犧牲小我去接受一件瘦咗嘅豬扒」定「明知件豬扒減唔到所以空頭支票唔怕開」？


之後我又諗番個女仔嘅語氣，我相信其實個佢響心裡面應該仲有兩句說話未講出口：

「你執到啦！你仲想點呀？」