入定

放學後響旺角食 Burger King.

循例去獨立一排嘅單丁位搵位坐。

響由左至右嘅大慨十個單丁位上面。

坐咗一個帶口罩嘅男人。

佢眼望前方。

響佢眼前嘅係一幅牆，牆上有鏡。

佢同鏡嘅距離大慨只有２０公分左右。


我響佢相隔三個位之外坐低。

留意到佢冇買嘢食，或者係已經食完。


我一路食一路間中就望下佢。

響１５分鐘入面，佢冇郁過。

雙眼仍然向前望，眉頭冇咩動靜。


佢唔似有嘢諗。

但又似係已經愁到冇咩好諗。

響嗰一刻我真係好想入侵佢個腦睇下究竟佢有冇諗嘢。


就響我差不多食完嘅時候佢起身走人。

我一路響鏡度住佢嘅一舉一動。

因為我驚佢會響我後面經過嘅時候會無情情捅我一刀。