瞓棺材

我瞓覺時，需要三個枕頭。

一個用嚟枕住個頭。

另外兩個平放兩邊，一左一右旁住我。

左攬又得，右攬又得。

要咁先覺得有安全感。

似「瞓棺材」．．．

佩服

今日做咗一件事。

然後真心佩服嗰啲「一腳踏兩船」嘅人。

點可能分配到時間？

點可能對得住自己個良心？

唔驚嘅咩？

三十有一

如果唔係睇番，我都已經唔記得咗我舊年嘅生日係點過。

「三十而立，四十而不惑」

我相信我真係仲要多九年先會不惑。


重寫 blog，總有原因。

有機會慢慢講．．．


生日快樂～