回頭太難

今日收到佢嘅短訊。

佢話佢終於明白、理解同感受到我當日響工作上嘅情況同苦況。

佢已經遲咗職。


佢話佢最近生活得不太如意。

亞媽又入咗醫院，好似好運滯。


我嘅回應，都係循例嘅一些鼓勵說話。

同埋話佢知，我響過去嘅十個月，我過得很好。


無錯，我係專登講嘅。

我要佢知道，沒有佢嘅日子，我比以前快樂。


我唔知佢點解會搵我，可能佢真係冇其他人可以傾訴。

我哋一向都冇咩朋友。

又或者，係其他原因。


不過無論係咩原因都好，我都叫自己唔好諗得太多。

我，肯定唔會回頭。

一切，都已經太遲．．．