孝

大舅父生日，六十大壽。

尋晚我同佢擺o左圍酒，一家人食餐飯。

我o地家人平時狗咬狗骨頂心頂肺，幸好當晚風平浪靜。


我唔叻表達感情。

只係諗到屋企o既長輩年紀越來越大，又冇結婚冇兒冇女。

做細o既，有能力o既時候做到幾多咪做幾多囉。

最緊要佢o地開心。

何況，由細到大佢o地都咁錫我。

我唔知呢o的係咪咁叫「孝」，我只係覺得係時候回報。