三十大關

公司o既同事都比我年長，全部界乎三十歲前後；有o的結o左婚，有o的未結婚。

最近成日聽見佢o地話收到喜帖，成日有人請飲之類；因為佢o地o的朋友都係界乎三十歲前後。

就到三十歲o既女人會趕住結婚，過o左三十歲之後o既就更趕。

未到三十歲o既男人唔會打算結婚，過o左三十歲之後就會趕住結婚因為身邊o既男性朋友多數已經成家立室，人有我有，怕被遺下。

---

我，未到三十，未打算結婚，身邊冇親朋戚友結婚。

三十之後？有人肯嫁我至算。

不過應該會係我唔肯娶多，因為我仲未搵到需要結婚o既理由。